تاقمێک لە شاخەوانان و ژینگەپارێزانی شاری بۆکان بۆ ڕێزلێنان لە شەهیدانی ژینگەی کوردستان چوونە شاخی “بەردەزەرد”.
بە پێی هەواڵی گەیشتوو بە ناوەندی ڕاگەیاندنی حیزبی دێموکراتی کوردستان، ئێوارەی ڕۆژی سێشەممە ١٠ی پووشپەڕی ٩٩ی هەتاوی، تاقمێک لە ژینگەپارێزان و شاخەوانانی شاری بۆکان بە مەبەستی ڕێزلێنان لە سێ شەهیدی تازەی ژینگەپارێزی گەلەکەمان لە دەڤەری شاهۆ و هەورامان”بیلال ئەمینی، موختار خەندانی و یاسین کەریمی” چوونە سەر شاخی بەردەزەرد لە بۆکان و بە دروشمی ” ئێوە سووتان هەتا نیشتمان نەسووتێ” ڕێزیان لە شەهیدانی ئەمجارەی پاراستنی کوردستان گرت.
شایانی باسە کە لە ئاکامی ئاگر تێبەردانی ژینگە لە ناوچەی مەرەخێڵی پاوە لە ڕۆژی یەکشەممە ٨ی پووشپەڕ، سێ ڕۆڵەی نیشتماندۆستی کورد “بیلال ئەمینی، موختار خەندانی و یاسین کەریمی” کە کاتی کوژاندنەوەی ئاگرەکە گیانیان بەختی نیشتمان کرد و شەهید بوون.