ئاگاداریی کۆمیتەی حیزبی دێموکراتی کوردستان لە بریتانیا

لە ٣١ ساڵەی تێرۆری شەهید دوکتۆر عەبدوڵڕەحمان قاسملوو سکرتێری گشتیی حیزبی دێموکڕاتی کوردستان بەدەستی تێرۆریستەکانی ڕیژیمی کۆماری ئیسلامیی ئێران لە وییەنی پێتەختی ئوتریش، ئاگادارییەکی بلاوکردەوە کە دەقی ئاگادارییەکە بەم شێوەیە:
هەرچەند ئەو نەخۆشییەی کە داوێنگیری کۆمەڵگەی مرۆڤایەتی بووە دەرفەتی ئەوە نادا چالاکییەکان وەک خۆی و لە ئاستی چاوەڕوانییەکاندا بەڕێوە بچن و بۆ پاراستنی گیانی خەڵکەکەمان لە نەخۆشی کۆرۆنا خۆمان لە گردبوونەوە و خۆپێشاندانەکان پاراستووە، بەڵام لەگەڵ ئەوەشدا بە مەبەستی شەرمەزارکردنی تێرۆری ناجوامێرانەی دکتورعەبدوڵڕەحمان قاسملوو بە دەستی چەپەڵی تیرۆریستەکانی کۆماری ئیسلامی و لە یادی ٣١ ساڵەی شەهیدبوونی ئەو رێبەرە بلیمەتەی نەتەوەکەماندا لەپێش باڵەخانەی باڵویزخانەی کۆماری ئیسلامی لە لەندەن کۆدەبینەوە و بۆ جاریکیتر ناڕەزایەتی خۆمان لەو کردەوە تێرۆریستیە دەردەبڕین و پەیمان نوێ دەکەینەوە کە ڕێبواران و درێژەدەرانی رێبازە پیرۆزەکەی، هەروا شێلگیرانە لە خەبات و تێکۆشان و لە سەنگەری قەڵای لەگیراننەهاتووی گەلەکەماندان و بەگژ سیاسەتی تێرۆر و تۆقاندنی کۆماری ئیسلامیدا دەچنەوەو ئەو ڕووداوە و ئەو مرۆڤە مەزنە بە فەرامۆشی ناسپێرن.
کات: ڕۆژی ١٣ی جولای ٢٠٢٠
کاتژمێر: ١٤ بۆ ١٦ی دوانیوەڕۆ
ناوونیشان:
باڵوێزخانەی کۆماری ئیسلامیی ئێران لە لەندەن
16 Princes Gate, Knightsbridge, London SW7 1PT