دوو بۆكسۆری مێرمنداڵی كورد له لایه‌ن كادری فه‌ننیی فێدراسیۆنی بۆكس بانگهێشتی ئۆردووی تیمی میللی كران.
به‌پێی ڕاپۆرتی هه‌واڵده‌ریی ئیسنا، كادری فه‌ننیی تیمی میللیی بۆكسی مێرمنداڵانی ئێران به مه‌به‌ستی ئاماده‌بوونێكی به‌هێز له كێبڕكێ نێوده‌وڵه‌تییه‌كاندا، داوای له بۆكسۆره هه‌ڵبژێردراوه‌كانی پارێزگاكانی ئێران كردووه تا له خولی نوێی ئۆردووی تیممی میللیدا به‌شداری بكه‌ن.
خولی نوێی ڕاهێنانه‌كانی تیمی بۆكسی مێرمنداڵانی ئێران به ئاماده‌بوونی ١٥ بۆكسۆر ده‌ست پێ ده‌كا و غوڵامڕه‌زا كه‌ریمی ئه‌ركی سه‌رپه‌رستیی تیمی میللیی مێرمنداڵان وه‌ئه‌ستۆ ده‌گرێ.
“شوعه‌یب ڕه‌شیدی” و “ڕه‌زا خه‌یاتی” دوو بۆكسۆری كوردن كه له لایه‌ن كادری فه‌ننیی فێدراسیۆنه‌وه بۆ به‌شداری كردن له قۆناغی یه‌كه‌می ئۆردووی تیمی میللیی بۆكسی مێرمنداڵان وه‌به‌ر چاو گیراون.
ئۆردووی تیمی میللیی بۆكسی مێرمنداڵان له ڕۆژی دووشه‌ممه ڕێكه‌وتی ٤ی خه‌زه‌ڵوه‌ره‌وه ده‌ست پێ ده‌كا و بۆ ماوه‌ی حه‌وتوویه‌ك له تاران به‌رده‌وام ده‌بێ.
