دایکێکی دڵسۆزی کوردستان‌و حیزبی دێموکڕاتی کوردستان لە ناوچەی هەوشار کۆچی دوایی کرد.
بەگوێرەی ڕاپۆرتی پەیامنێری کوردستان‌و کورد ڕۆژی سێشەممە، ٢١ ی ڕەزبەر خاتوو غەزاڵ چەڵەبی، خەڵکی ئاوایی خاتوون‌ئابادی ناوچەی هەوشار بەهۆی نەخۆشی کۆچی دوایی کرد.
خاتوو غەزاڵ کەسێکی نیشتمانپەروەرو دڵسۆزی حیزبی دێموکڕات بوو. ئەو شانازیی بەوە دەکرد کە لیمۆی کچی لە ڕیزی تێکۆشەرانی حیزبی دێموکڕات دایە.
ناوەندی ڕاگەیاندنی حیزبی دێموکڕاتیک کوردستان بەو بۆنەیە سەرەخۆشی لە بنەماڵەو کەسوکاری خاتوو غەزاڵ چەڵەبی دەکاو خۆی بە شەریکە خەمیان دەزانێ.
