به‌هۆی به‌ربوونه‌وه‌ی دوو شاخه‌وان له به‌رزاییه‌کانی مانێشت له ئیلام یه‌کیان گیانی له ده‌ست‌داو ئه‌وی دیکه‌یان به توندی بریندار بوو.
به‌پێی ڕاپۆرتی په‌یامنێری کوردستان‌و کورد ئه‌و دوو شاخه‌وانه که باب‌و کوڕ بوون، به‌هۆی شاره‌زانه‌بوون له ڕێڕه‌وی چیاکه به‌ربوونه‌ته‌وه. له‌و ڕووداوه‌دا باوکه ته‌مه‌ن ٦٠ ساڵه‌که به‌هۆی سه‌ختیی برینه‌کانی گیانی له ده‌ست‌داو؛ کوڕه لاوه ته‌مه‌ن ٢٤ ساڵه‌که‌شی به‌ڕێی نه‌خۆشخانه‌ی شاری ئیلام کرا.
به‌پێی ئه‌و زانیارییانه هۆکاری به‌ربوونه‌وه‌ی ئه‌و باوک‌و کوڕه هه‌ڵخلیسکانی باوکه بووه که دوای به‌ربوونه‌وه سه‌رو ده‌ست‌و لاقی شکاوه‌و به‌هۆی ئه‌سته‌م‌بوونی شوێنه‌که به‌بێ هێلی‌کۆپتێر گواستنه‌وه‌و جوڵاندنی مه‌ترسیدار بووه؛ به‌ڵام به‌هۆی دره‌نگ فریاکه‌وتنی ناوه‌نده‌کانی پزیشکی‌و فریاکه‌وتن گیانی له ده‌ست‌دا.
چیای مانێشت له ئیلام به ٢٦٢٩ میتر له باکووری پارێزگای ئیلام هه‌ڵکه‌وتووه.
