که‌مکردنه‌وه‌ی سەدی ٣٠ له‌ بوودجەی دروستكردنی قوتابخانەكان لە ئیلام

بوودجەی دروستكردنی قوتابخانەو نۆژه‌نکردنه‌وه‌یان لە پارێزگای ئیلام سەدی 29 که‌م کراوه‌ته‌وه‌
سەعید هۆژەبری، بەڕێوەبەری نۆژەنكردنەوەو پۆشته‌کردنی قوتابخانەكانی ئیلام وێڕای ئاماژە بە که‌مکردنه‌وه‌ی سەدی ٢٩ بوودجەی ئه‌مساڵ بۆ دروستكردنی قوتابخانەكان له‌ ئیلام، گوتی، بوودجەی ساڵی ڕابردووی پارێزگای ئیلام ٩ میلیاردو ٨٩ میلیۆن تمەن بووە كە ئەمساڵ ته‌نیا ٦ میلیاردو ٤١٠ میلیۆن تمەن بۆ ئه‌و مه‌به‌سته‌ له‌به‌رچاو گیراوه‌.
سەعید هۆژەبری گوتی که‌مکردنه‌وه‌ی بودجه‌ی دروستکردن‌و چاکردنه‌وه‌ی قوتابخانه‌کان بۆتەی هۆی ئەوەی كە ڕەوتی دروستكردن‌و پۆشته‌کردنی قوتابخانەكان لە پارێزگای ئیلام چەتی تێكەوێ.
ناوبراو وێڕای ئاماژە بە وەی كە ئیعتیباری درووستكردنی قوتابخانە لە شارەكانی ئیلام‌و دێهلۆران زیاتر لە ناوچەكانی دیكە که‌م کراوه‌ته‌وه‌، ده‌ڵێ ئەم مەسەلە دەبێتە هۆی ئەوەی كە هێندێك لە پرۆژەكانی ئەم قوتابخانانەو خوێندنگه‌یانه‌ بە ئەنجام نەگەن‌و به‌ نیوه‌ته‌واوی ده‌ستیان لێ هه‌ڵگیراوه‌.
بەڕێوەبەری گشتیی نۆژەن كردنەوەو پۆشتە كردنی قوتابخانەكانی ئیلام گوتی ئەم ئیدارەیه‌ سەرجەم 5 میلیارد و ٥٠٠ میلیۆن تمەن بە پەیمانكارەكان قەرزدارەو، بە قسه‌یئەم كاربەدەستە ئەم قەرزە داڵغەی سەرەكیی ئەم ئیدارەیەو دواکه‌وتنی ئه‌رکه‌کانیانه‌.
كەمکردنه‌وه‌ی بوودجەی دروستكردنی قوتابخانە لە ئیلام لە حاڵێك دایە كە هه‌ر به‌ قسه‌ی سەعید هۆژەبری‌و بە سەرنجدان بە بارودۆخی خراپی قوتابخانەكانی پارێزگا، پێویستیی خوێندنگەكان بە چاكسازیی سیستمەكانی گەرمكەرەوە و فێنككەرەوە، چاك كردنەوەكان، پتەوكردن و نۆژەن كردنەوەی خوێندنگەكان، سەرجەم بۆ ماوەی ١٠ ساڵ‌و هه‌موو ساڵێ بڕی 32 میلیارد تمەن بوودجەی پێویستە.