وەزیری بەرگریی ئەمریکا پێچەوانەی ترامپ لە بەکارهێنانی هێز بۆ بڵاوەپێکردنی خۆپێشاندەران خۆی بوارد و رایگەیاند کە هێشتا نەگەیشتووینەتە ئەو دۆخە دژوارەی سوپا بێتە مەیدان.
بە پێی هەواڵی هەواڵدەریی ڕۆیتێرز مارک ئسپێر، وەزیری بەرگریی ئەمریکا لە کۆنفرانسێکی رۆژنامەوانییدا ئاماژەی بەوە کرد، بەکارهێنانی سەرباز تەنیا بۆ ئەو دۆخانەیە کە ئێجگار دژوارن و هیچ چارەسەرێکی دیکە لەبەردەستدا نەماوە و هێشتا ئەوان نەگەیشتوونەتە ئەو قۆناغە، هەربۆیە پاڵپشتی لە پێشێلکردنی یاسای بەکارهێنانی هێز لە دژی خۆپێشاندەران ناکا.
شایانی باسە سەرەڕای چاوەڕوانییەکان بۆ لە کارلادانی وەزیری بەرگریی لە لایەن ترامپەوە بە هۆکاری هەڵویستی ناوبراو لە دژی بڕیارەکەی سەرۆک کۆمار، بەڵام هێشتا ئسپێر وەزیری بەرگریی ئەمریکایە.
شایانی باسە کە دوای کوشتنی ڕەشپێستێک بە دەستی پۆلیسی ئەمریکا و دەسبێکردنیی خۆپێشاندان لەو وڵاتە خۆپێشاندەرانی پێشوازییان لەو سزا نوێیانەی سەر ئەو ئەفسەرانەی پۆلیس کرد، بەڵام هێشتا لەسەر شەقامەکان بەردەوامن لە خۆپێشاندان و داوای گۆڕانکاریی ریشەیی لە مامەڵەکردن لەگەڵ رەشپێستەکان لەو وڵاتە دەکەن.
ناکۆکیی وەزیری بەرگریی ئەمریکا و سەرۆک کۆماری ئەو وڵاتە لەسەر بەکارهێنانی ئەرتەشی ئەمریکا بۆ سەرکوتی خۆپێشاندەران
جیهان | ئەمریکا
نوێترین
