مستەفا مەلوودی: هەر دوولای حیزبی دێموکرات مەحکوم بە یەکگرتنەوەیە

جێگری سکرتێری گشتیی حیزبی دێموکڕاتی کوردستان دەڵێ هەر دوو لای دێموکڕات
مەحكوومین بە یەكگرتنەوەو یەكخستنەوەی یەكجارەكیی ماڵی دیموكرات.
مستەفا مەلوودی وێڕای پێداگری لەسەر ئەو بابەتە دەڵێ هەردوولا بە جیددی كار بۆ یەکخستنەوەی ڕیزەکانی حیزبی دێموکڕات دەكەین.
مستەفا مەولوودی، ئەندامی دەفتەری سیاسی‌و جێگری سكرتێری حیزی دیموكراتی کوردستان لە لێدوانێكی تایبەت‌دا بۆ “باس نیوز گوتی لە نوێترین كۆبوونەوەی دەفتەری سیاسیی دوولایەن‌دا لایەنی حدکا پێشنیارێکی نوێیان بووەو نێوەرۆكی پێشنیارەكەی ئەوان ئەمەیە كە ئەوان وایا پێ‌ باشە كۆنگرەی ١٦ی حیزب بە رێككەوتن ببەسترێ، بەڵام پێشتر هەموو كارەكانی كۆنگرە کرابن‌.
جێگری سکرتێری گشتیی حیزب لە وڵامی ئەو پرسیارەدا كە كە ئاخۆ پێشنیاری حدكا لەلایەن حیزبی دێموکڕاتی کوردستانەوە چۆن پێشوازیی لێكراوە، گوتی: ئێمە لەو کۆبوونەوەیەدا دوای ئەوەی تێبینی‌و ڕای خۆمان لە سەر دەربڕی، ئاگادارمان کردوونەتەوە مان لە کە لەسەر لایەنی تەكنیكی‌و شێوازو میكانیزیمی یەكگرتنەوەو رێكارەكانی لە دانیشتنێكی خۆماندا تاوتوێی پێشنیارەكانی ئەوان دەکەین‌و وەڵامیان دەدەینەوە.
مستەفا مەولوودی لەبارەی جیاوازی دانیشتنی ئەمجارە لەگەڵ دانیشتنەکانی پێشوو رایگەیاندوە لامان وایە گرفتەكان چارەسەر نەبوون، بەڵام بە بەراورد لەگەڵ جاران گۆڕانكارییەكە باشترە، بەڵام بەلەبەرچاوگرتنی مێژووی لێکدابڕانەکانی پێشووی ڕیزەکانی حیزبی دێموکڕات پڕۆسەی یەکگرتنەوە قۆناغ بە قۆناغ دەكرێ كە سەرەتا ئاسایی كردنەوەی پەیوەندییەكانە، دواتر حستنەڕووی پێشنیارەكانەو قسەكردنە لەسەریان‌و؛ پاشان كردنی ئەو پێشینارانەیە بە قانوون‌و رێككەوتن لەسەریان‌و لە كۆتاییشدا جێبەجێكردنە كە پێم وایە ئەستەمترین قۆناغە.
ئەندامی دەفتەری سیاسیی حیزبی دێموکڕاتی کوردستان پێداگری لەسەر ئەوە کرد کە ئەم یەكگرتنەوە بەسەر یەكخستنەوەیە زەروورەتەو پێویستە هەردوولا كاری جیددیی بۆ بكەین، پێشمان وایە تاقە ڕێگەمان ئەوەیە؛ چونکی ئەوە پەیام‌و ویستی خەڵكی کوردستانە كە دەبێ‌ یەك بگرنەوە‌و خەڵکی رۆژهەڵاتی کوردستان دیموكراتێكی یەكگرتوویان دەوێ، جیا لەوەی کە هەردوولا خاوەن یەك مێژوو، یەك ئامانج‌و یەك خەباتین‌و هەڵقوڵاوی بنەچەی بنەماڵەی گەورەی دیموكراتین