گرووپی داعش لە ویلایەتی نەینەوا، لە گرتەیەكی ڤیدیۆییدا شەهیدكردنی ژمارەیەك پێشمەرگەی دیلی راگەیاند.
بەپێی گرتەیەكی ڤیدیۆی كە لایەنگرانی داعش رۆژی چوارشەممە، ٨ ی ڕه‌زبه‌ر لە تۆڕە كۆمەڵایەتییەكاندا بڵاویان كردۆتەوە، ژمارەیەك پێشمەرگەی دیل لەلایەن چەكدارانی داعشەوە بە شێوەیەكی دڕندانە سەر دەبڕدرێن.
یەكێك لەو چەكدارانەی پێشمەرگەكان شەهید دەكەن كوردەو بەزمانی كوردی پەیام بۆ بنه‌ماڵه‌ی دیلەكان‌و مەسعود بارزانی، سەرۆكی هەرێمی كوردستان دەنێرن، هەروەها هەڕەشەی داگیركردنی هەولێر، پایتەخی باشووری كوردستانیش دەكەن.
له‌و ڤیدیۆیه‌دا دەردەكەوێ كە پێشمەرگەیەك قورئان دەخوێنێ‌و پێشمەرگەیەكی دیكەش شەهادە دێنێ‌و ژمارەی ئەو پێشمەرگانەی شەهید دەكرێن ژمارەیان لە ٧ كەس زیاترە.
بڵاوكردنەوەی وێنەی شەهیدكردنی ئەو پێشمەرگانە لەكاتێ دایە رۆژی چوارشەممە هێزەكانی پێشمەرگە لە میحوەری رۆژئاوای كەركووك، هێرشێكی بەرفراوانیان بۆ سەر داعش کردو ١٧ گوندیان له به‌رده‌ستی داعش ده‌رێنا
