بۆ بەرزراگرتنی یادی شەهید هەژار قاسمی‌و لە یەکەم ساڵڕۆژی شەهیدبوونیدا، پارێزه‌رانی ڕۆژهه‌ڵاتی کوردستان په‌یمانی وه‌فا له‌گه‌ڵ شه‌هیدانیان له‌سه‌ر ه‌مزاری ئه‌و شه‌هیده نوێ‌کرده‌وه.
ئەمشەو هەینی ٣ی ڕەزبەر(٢٥ی سێپتەمبری ٢٠١٥)، دەستەیەک لە پارێزەرانی ڕۆژهەڵاتی کوردستان لە ناوچەکانی شنۆو نەغەدە، لە یەکەم ساڵڕۆژی شەهیدبوونی پێشمەرگەی ئازای دیموکرات، هەژار قاسمی‌دا چوونە سەر گڵكۆی ئەو شەهیدە.
ئەو دەستەیە بە نوێنەرایەتیی هاوخەباتان‌و پێشمەرگە نهێنییەکانی ناوچەکانی شنۆو سندووس، وێڕای دانانی چەپکە گوڵ لە سەر گڵكۆی شەهید هەژار قاسمی، پەیمانی وەفاداری بە ڕێگاو ئامانجەکانی ئەویان نوێ کردەوە.
شایانی وەبیرهێنانەوەیە کە ڕەزبەری ساڵی ڕابردوو، دەستەیەک لە پێشمەرگەکانی حیزبی دیموکراتی کوردستان کە لە ناوچەی شنۆ بە هاوکاری‌و بەشداریی پارێزەرانی ڕۆژهەڵاتی کوردستان خەریکی گەشت‌و گەڕانی شۆڕشگێڕانە بوون، لە نزیک ئاوایی حەسەن‌نووران کەوتنە کەمین‌و لە لایەن بەکرێگیراوانەوە دەسڕێژیان لێ کرا. لەو ڕووداوە دا بە داخێکی گرانەوە پێشمەرگەی ئازا هەژار قاسمی پێشمەرگەی ئازا‌و ماندوویی نەناس، گیانی لە دەست دا وچووە ڕیزی کاروانی شەهیدان.
هەژار قاسمی کە لە تێکۆشەران‌و پێشمەرگە دیارو هەڵسوورەکانی ئەم ساڵانەی دوایی لە نێوخۆی رۆژهەڵاتی کوردستان بوو، لە دوای شەهید بوونی وەک شەهیدان شێخ غەریب حەسەنی، هەمزە سارتکەیی، قادر نەزمی، قادر قادری، بێهرووز رەزانەژاد، محەممەد نەدیمی‌و ڕەسووڵ لیلانەیی، بوو بە ڕەمزی شۆڕشگێڕی‌و یەکێک لە ناوە خۆشەویستەکانی ئەمڕۆی ڕۆژهەلاتی کوردستان.
سلاو لە ناو و یادی بەرزی هەژار قاسمی و بەردەوام بێ ڕێگای خەباتەکەی،
دەسخۆشی و سەرکەوتن بۆ خەباتکارانی پارێزەری ڕۆژهەڵاتی کوردستان.
