تیمی کاڕاتەی کیوکوشینی مەهاباد لە خولی نوێی یارییەکانی ئوراسیادا توانی دوو میداڵی زێڕ بباتەوە.
لەو یارییانەدا کە لە مشاری تاران بەڕێوەچوون، ئارام قادرپوور لە کێشی کەم ٥٠ کیلۆداو سالار نازم لە کێشی کەم ٥٥ کیلۆ لە ئاستی تەمەنیی لاوان‌دا توانییان لە یاریی کۆتایی‌دا ڕکەبەرەکانی خۆیان لە وڵاتانی ئەفغانستان‌و تورکیە بەچۆک دابێنن‌و میداڵی زیڕی ئەو پێشبڕکێیانە بە ناوی خۆیان بۆ شاری مەهاباد بێننەوە.
ئەم خولەی پێشبڕکیی کاڕاتەی ئوراسیا بە بەشداریی ٣٠٠ وەرزشکاری ئێرانی‌و بیانی لە ڕۆژانی ٢٦و ٢٧ ی خەرمانان لە شاری وەرامینی تاران بەڕێوەچوو.
