بە پێی هەواڵی گەیشتوو بە ناوەندیی ڕاگەیاندنی حیزبی دێموکراتی کوردستان، سەربازێکی خەڵکی دێولان بە هۆکاری ناڕوون گیانی لێ ئەستێندرا.
ڕۆژی هەینی، ٨ی خاکەلێوە، سەربازێک بە ناوی “یاسر ناسری” کوڕی “حەسەن” کە سەربازێکی سەر بە سپای گەورەدێی “بەلەدەستی” ناوچەی لەیلاخە بە هۆکاری ناڕوون کوژرا.
جێی ئاماژەیە، تاوەکوو ئێستا زانیاری لەسەر شێوەی کوژران و هۆکاری کوژرانی ئەو سەربازە کە دانیشتووی دێولانە لەبەردەستدا نییە.
شایانی باسە، ساڵانە کۆماری ئیسلامیی ئێران لاوانی کوردستان بە مەبەستی سەربازی کردن بۆ ماوەی دوو ساڵ ڕەوانەی شوێن و ناوچە جیاوازەکانی ئێران و کوردستان دەکات، بەڵام زۆرجار گوێبیسی هەواڵی خۆکوژی، کوژران و بێڕێزی پێکردن بە سەربازە کوردەکان دەبین کە لەلایەن کۆماری ئیسلامیی ئێرانەوە بەرامبەریان دەکرێت.
