بەهۆی شەڕ و ململانێ و ناکۆکییەکانەوە پێوەندییەکانی دوو دەوڵەتی ڕووسیە و تورکیە پێیان ناوەتە قۆناغێکی ئاڵۆزەوە.
دەزگای هەواڵدەریی تاسی ڕووسیە لە زاری وەزارەتی بەرگری ئەو وڵاتەوە بڵاویکردەوە کە مۆسکۆ ناتوانێت گەرەنتی پاراستنی ئەو فڕۆکە تورکیانە بدات کە بەسەر سووریەدا دەفڕن، ئەمەش دوای ئەوە بڵاوبۆوە کە دیمەشق ڕایگەیاند هێڵی ئاسمانی ئیدلب دادەخا.
دوای ئەوەی تورکیە دوو فڕۆکەی شەڕکەری سووریەی بەسەر ئیدلبدا خستە خوارەوە و هێرشی کردە سەر فڕۆکەخانەیەکی سەربازیی سووریە کە زۆر لە پشت بەرەکانی شەڕدایە، وەزارەتی بەرگریی ڕووسیا ئەم ئاگاداریەی بڵاوکردەوە.
دەزگای هەواڵی تاس لە زاری “ئەدمیڕاڵ ئۆلیگ ژورۆفلیف”ەوە ڕایگەیاند کە لەم بارودۆخەدا سەرکردایەتی سەربازیی ڕووسیە لە سوریە ناتوانێ گەرەنتی پارێزراوی ئەو فڕۆکە تورکیانە بدات کە بەسەر ئاسمانی سووریەدا دەفڕن.
