بەرپرسی بەشی پێوەندییکانی حیزبی دێموکڕاتی کوردستان لە ئوسترالیا، لەگەڵ بەرپرسی لێژنەی مافی مرۆڤی پارلمانی ئەو وڵاتە کۆبۆوە.
ڕۆژی چۆارشەممە ٢٩/١/٢٠٢٠ سەلاح پورئەسەد، بەرپرسی بەشی پەیوەندییە نێونەتەوەییەکانی کۆمیتەی حیزب لە ئوسترالیا لەگەل “گراھام پیریت”، نوێنەری پارلمانی فیدرالی ئوسترالیا وبەرپرسی لێژنەی مافی مرۆڤی پارلمان کۆبۆوە.
لەو کۆبوونەوەیەدا، سەرەتا سەلاح پورئەسەد باسێکی لە بارەی خۆپێشاندانەکانی ئەو دواییانەی ئێران و کوردستان کرد کە خەڵکی وەزاڵە ھاتوو دژی ڕێژیمی کۆماری ئیسلامیی ئێران بەڕێوەیان برد. ئاماژەی بە ڕادەی پێشێلکاریەکانی مافی مرۆڤ و سەرکوتەکانی کۆماری ئیسلامی دژی خۆپێشاندەران کرد کە تەنیا لە ماوەی چەند ڕۆژدا زیاتر لە ١٥٠٠ کەس بە دەستی بەکرێگیراوانی ڕێژیم شەھید و ھەزاران بریندار و ھەزاران کەسیش ڕاپێچی بەندیخانەکان کران. ھەروەھا باسی ئەوەش کرا کە چۆن بە فەرمانی خامنەیی دەستوری کوشتاری بە کومەڵ دراوە بۆ بڵاونەبوونەوەی ھەواڵی ئەو کوشتارە ئینترنیتیان لە خەڵک بڕی. لە بەشێکی دیکەی باسەکان دا، سەلاح پورئەسەد ئێشارەی بە چوونە سەری ڕێژەی بێکاری لە ئێران بە گشتی و کوردستان بە تایبەتی بە هۆی بە ئەمنییەتی کردن و میلیتاریزەکردنی لە لایەن دەوڵەتەوە کرد، کە ئەم بێکارییە بۆتە هۆی ئەوەی کە خەڵک بۆ بژێوی ژیان مەجبور بە ڕۆیشتن و جێهێشتنی ماڵ وزێدی خۆیان دەبن، ڕێژیم بۆ گۆڕینی دێموگڕافیای ناوچەکە نەتەوەکانی تر لەوێ نیشتەجێ دەکا کە ئەم کردەوەی ڕێژیم کەمتر لە جینایەتەکانی دیکەی نییە. ئاخر بەشی کۆبوونەوەکە تەرخان کرا بوو بە وەزعیەتی نالەباری کۆڵبەران و ئەو کوشتارانەی بە درێژایی سنوور لەو خەڵکە دەکرێ کە بۆ بژێوی ژیان کاری کۆڵبەری دەکەن. لە کۆتایی کۆبوونەوەکە دا ڕاپۆرتێکی تێروتەسەلی لە سەر ژمارەی شەھید، بریندار و گیراوەکانی خۆپێشاندانەکانی ئەو دواییانە و تێکڕای گیان بەختکردوەکانی کۆڵبەر و بریندارەکان درایە دەست گراھام پیریت. ناوبراو وێرای خۆشحاڵی لەو چاو پێکەوتنە و وێڕای بە داخ بوون لە کردەوەکانی کۆماری ئیسلامی بە بایەخەوە دێکۆمێنتەکانی پێشکەش کرا و بەڵێنی دا بۆ داواکاری حیزبی دێموکراتی کوردستان لەو پێوەندیەدا بەدواداچون بۆ ئاگادار بوون لە وەزعی گیراوەکان بکات و ئەوکێشە بە نوسراوە بگەیەنێتە وەزیری دەرەوە و بە نامە جواب وەرگرێتەوە.ھەروەھا بەڵێنی ئەوەشی دا کە کارئاسانی بکەن بۆ کوردەکانی ڕۆژھەڵات کە لە ئەیالەتەکانی دیکە دەژین بۆ ئەوەی بتوانن بە دیتنی هەرچی زیاتری ئەندامانی پارلمان و سێناتۆرەکان بۆ دانی زانیاری پێویست تا ئەوانیش بەدواداچون بکەن بۆ چارەنووسی گیراوەکان و هەروەها پێشێلکاریەکانی مافی مرۆڤ لە کوردستان.