دوو چالاکی سیاسیی کورد له ناوچه‌ی دیوانده‌ره ده‌سبه‌سه‌ر کراون‌و دادگا بۆ ئازادکردنی کاتیی ئه‌وان بارمته‌ی قورسی ٧٠٠ میلیۆن تمه‌نیی دیاری کردوه.
به‌پێی ڕاپۆرتی په‌یامنێری کوردستان‌و کورد ئه‌ییوب سوبحانی‌و فه‌ره‌یدوون سوبحانی، دوو چالاکی سیاسیی کوردی خه‌ڵکی گوندی ” به‌ست” له دیوانده‌ره‌ن که به تۆمه‌تی چالاکیی سیاسی‌و ئه‌منیه‌تی ده‌سبه‌سه‌ر کراون.
ئه‌و دوو چالاکه کورده له‌لایه‌ن دادگاوه پێیان راگه‌یه‌ندراوه که تا کاتی دادگایی‌و یه‌کلابوونه‌وه‌ی حوکمه‌که‌یان ده‌توانن به دانانی بارمته‌ی ٧٠٠ میلیۆن تمه‌نی به شێوه‌ی کاتی ئازاد بن، به‌ڵام بنه‌ماڵه‌کانیان توانای دابینکردنی ئه‌و بارمته قورسه‌یان نییه‌و، هه‌ر بۆیه‌ش ئه‌وان له زینداندا ماونه‌ته‌وه.
