زۆرانبازێکی کوردی خه‌ڵکی سه‌قز توانی میداڵی بڕۆنزی زۆرانی فه‌ره‌نگیی جیهان بباته‌وه.
یۆسف قادریان، زۆرانبازی کێشی ٨٠ کیلۆی کورد که ئه‌ندامی تیمی میللیی زۆرانی ئێرانه‌و خاوه‌نی میداڵی زێری یارییه‌کانی ئاسیایه، له یاریی ڕیزبه‌ندیی کێبرکێ پاڵه‌وانه‌تییه‌کانی جیهان‌‌دا توانی به‌سه‌ر “دیلمۆخامدۆ”، زۆرانبازی قه‌زاقستان‌دا سه‌ربکه‌وێ‌و میداڵی بڕۆنزی ئه‌و کێبرکێیانه له مل بکا.
یۆسف قادریان له‌و کێبرکێیانه‌دا سه‌ره‌تا هه‌موو ڕه‌که‌به‌ره‌کانی خۆی له وڵاتانی ساموا و کۆره‌ی باشوور به‌چۆک‌دا هێنا، به‌ڵام دواتر له به‌رامبه‌ر به ڕکه‌به‌ری بلاروسیی خۆیدا ٢ به ٣ شکاو یاریی کۆتایی له کیس‌دا؛ به‌و حاڵه‌ش قادریان له یاریی ڕیزبه‌ندی‌دا و له حاڵێک‌دا ده‌م‌و ددانی هه‌موو شکابوون، رکه‌به‌ره‌که‌ی به چۆک‌دا هێناو میداڵی بڕۆنزی جیهان‌و دووهه‌مین میداڵی ئێران له‌و یارییانه‌ی وه‌ده‌ست هێنا.
شایانی باسه کێبرکێیه‌کانی زۆرانی فه‌ره‌نگیی جیهان ئه‌مساڵ له لاس وگاسی ئه‌مریکا به‌ڕێوه‌چوو.
