شه‌هلا تاهیری خه‌ڵكی كرماشان به هۆی بێكارو هه‌ژاری ئاگری لە خۆی‌‌و مێردەکەی بەردا.
شه‌هلا تاهیری تمه‌ن ٣٠ ساڵ به پێداكردنی نه‌وت به خۆی‌‌و مێردەکەی کە نه‌ریمان بلیان، ته‌مه‌ن ٤١ ساڵی ناوە، خۆیانی ئاگر دا.
به‌پێی هه‌واڵده‌رییه نێوخۆییه‌كان شه‌هلا ڕۆژێك پاش ئه‌وه‌ی كه له نه‌خۆشخانه نه‌شته‌رگه‌ریی بۆ بكرێ مرد و هاوسه‌ره‌كه‌شی سه‌دی ٨٠ جه‌سته‌ی سووتاوه‌و مه‌ترسیی مردنی لێ ده‌كرێ.
ئه‌م ڕووداوه ڕۆژی شه‌ممه‌ی ئه‌م حه‌وتوویه له شاره‌كی ڕه‌ساڵه‌تی شاری كرماشان بووه.
پێویست به ئاماژه‌یه كه ئه‌م ژن‌و مێردە هەژارە سێ كچی ته‌مه‌ن ٧ تا ١٦ ساڵه‌یان له پاش خۆیان به‌جێهێشتوه.
به‌پێی هه‌واڵی هێراناو به وته‌ی دراوسیه‌كانی ئه‌م ژن و پیاوه، بێكاری‌‌و هه‌ژاری و گیروگرفتی سه‌ره‌كیی ئه‌م بنه‌ماڵه‌یه بوون و هه‌ر بۆیه خۆیان سووتاندوه.
