مه‌کته‌بی سیاسی حیزبی شیوعی کوردستان

به‌ بۆنه‌ی ٧٠هه‌مین ساڵی دامه‌زرانی حیزبی دێموکڕاتی کوردستان!
به‌رێز سکرتێری ده‌فته‌ری سیاسیی حیزبی دێموکڕاتی کوردستان!
به‌ بۆنه‌ی ٧٠هه‌مین ساڵوه‌گه‌ڕی دامه‌زراندنی حیزبه تێکۆشه‌ره‌که‌تان، حیزبی دێموکڕاتی کوردستان به‌ ناوی خۆمان و سه‌رجه‌م هاورێیانی حیزبمان، گه‌رمترین پیرۆزبایی پێشکه‌ش به‌ ئێوه‌ی به‌رێز و له‌ رێگای جه‌نابیشتانه‌وه‌ پێشکه‌شی سه‌رجه‌م تێکۆشه‌رانی حیزبه‌ ماندوو نه‌ناس و خه‌باتگێره‌که‌تان ده‌که‌ین و پێشکه‌وتنی حیزبه‌ خه‌باتگێڕ و قوربانی به‌خشه‌که‌تان. ئه‌و حیزبه‌ حه‌فتا ساڵه له‌ پێناوی ئازادی و رزگاری گه‌لی کورد له‌ رۆژهه‌ڵاتی کوردستان شانی وه‌به‌ر خه‌بات و تێکۆشانی گه‌وره‌ داوه‌ و له‌و رێگایه‌شه‌وه‌ سه‌رکرده‌ی شه‌هیدی وه‌کو قازی محه‌مه‌دی پێشه‌وا هه‌زاران شه‌هیدی تری داوه‌. هیوادارین ئه‌و بۆنه‌ ئازیزه‌ ببێته‌ مایه‌ی زیاتر به‌هێز کردنه‌وه‌ و پته‌وکردنی یه‌کڕیزی سیاسی له‌ نێوان سه‌رجه‌م حیزب و لایانه‌ سیاسییه‌کانی کوردستانی ئێران و زیاتر گه‌ڵاڵه‌ کردن و یه‌کخستنی گوتاری سیاسی له‌ پێناوی گه‌یشتنی گه‌له‌که‌مان له‌و پارچه‌ی نیشتمانی کوردستان به‌ گشت مافه‌کانی خۆی. چونکه‌ ئه‌مه‌ ده‌بێته‌ زیاتر جۆشدان و به‌ هێزکردنی بزوتنه‌وه‌ی ئازادیخوازه‌که‌تان
به‌تایبه‌تیش له‌ ئێستادا که‌وا با هۆزی گۆڕانکارییه‌ سیاسییه‌کان به‌هێزتر له‌ جارن رووی له‌ ناوچه‌که‌ کردووه‌ و ته‌نها به‌ یه‌کریزی و ته‌باییش ده‌توانرێت ئه‌و گۆڕانکاری و وه‌رچه‌رخانانه‌ به‌ قازانجی نیشتمان و نه‌ته‌وه‌یی گه‌له‌که‌مان له‌ رۆژهه‌ڵات بشکێته‌وه‌.
نه‌مری و سه‌ربه‌رزی بۆشه‌هیدانی حیزبی دێموکڕاتی کوردستان
هه‌ر شکۆرداربێت ساڵوه‌گه‌ڕی دامه‌زراندنی حیزبه‌ تیکۆشه‌ره‌که‌تان
له‌گه‌ڵ رێزمان دا:
مه‌کته‌بی سیاسی حیزبی شیوعی کوردستان
١٦/ئاب/٢٠١٥ ‌ ‌