بهدوای ڕازی بوونی دادستان به گواستنهوهی مهسعوود كوردپوور بۆ شوێنی نیشتهجێ بوونی خۆی ، ناوبراو بهڕێی زیندانی شاری بۆكان كرا.
پاش ڕاگهیهندرانی ڕهزایهتی دادستانی مههاباد له بابهت گواستنهوهی مهسعوود كوردپوور بۆ شوێنی نیشتهجێ بوونی خۆی، ڕۆژی چوارشهممه ڕێكهوتی ٤ی خهرمانانی ١٣٠٤، ئهم ڕۆژنامهنووسه كورده بهڕێی زیندانی ناوهندیی شاری بۆكان كرا.
له حاڵێكدا كه مهسعوود كوردپوور، به مهبهستی ئاسان بوونهوهی هاتوچۆكردنی ڕۆژانه له بۆكانهوه بهرهو زیندانی مههاباد و ناساندنی خۆی به كار بهدهستان، داوای له دادستانی ئهم شاره كردبوو كه بۆ شوێنی نیشتهجێ بوونی خۆی بنێرن و سهرهڕای قایل بوونی دادستانی مههاباد بهم داواكارییه، بهڵام به پێچهوانهی ڕهوتی پێشوو ناوبراو بۆ نێو زیندانی ناوهندی شاری بۆكان گوازراوهتهوه.
مهسعوود و خوسرهو كوردپوور، له مانگی ڕهشهممهی ساڵی ١٣٩١، دهستبهسهر كران و له پووشپهڕی ١٣٩٢، له گرتنگهی ئیدارهی ئیتلاعاتی ورمێ ڕا، بۆ زیندانی ناوهندیی مههاباد گوازرانهوه.
پاش بهڕێوهچوونی ٣ كۆبوونهوهوی ئاشكرای دادگا له لقی ١ی دادگای ئینقلاب له شاری مههاباد و به سهرۆكایهتیی قازی جهوادی كیا، ئهم دوو ڕۆژنامهنووسه كورده به تۆمهتی پێك هێنانی كۆڕ و كۆبوهونهوه و پڕوپاگهنده به دژی نیزام، سهرجهم حوكمی ٩ ساڵ و ٦ مانگ زیندانی تهعزیری و دوور خرانهوهیان بهسهردا سهپێندرا.
ئهم حوكمه له دادگای پێداچوونهوهی پارێزگای ورمێ، له بابهت مهسعوودهوه بۆ ٣ ساڵ زیندانی تهعزیری گۆڕدرا و حوكمی خوسرهویش به تۆمهتی پێكهێنانی كۆڕ و كۆبوونهوه و ههوڵدان بهدژی ئهمنیهتی میللی، به ٥ ساڵ زیندانی تهعزیری و ٢ ساڵ دوورخرانهوه بۆ زیندانی ناوهندیی تهورێز داشكا.
له ئێستادا خوسرهو كوردپوور، بهرپرس و بهڕێوهبهری ئاژانسی ههواڵدهریی موكریان، پاش كۆتایی ماوهی ٢ ساڵهی دوورخرانهوه له زیندانی تهورێز، به مهبهستی تێپهڕاندنی دهورهی مهحكوومیهتی خۆی له زیندانی ناوهندیی مههاباد ڕاگیراوه و مهسعوودی براشی، بۆ تێپهڕ كردنی ماوهی 3 ساڵی حوكمهكهی له زیندانی ناوهندیی بۆكان بهند كراوه.
شایانی باسه كه پێشتر ٦ نوێنهری كوردی مهجلیس و ٣٠ كهس له چالاكانی سیاسی و مهدهنی له نێوخۆی ئێران و ههروهها كۆمهڵێك له ڕێكخراوه نێودهوڵهتییهكانی مافی مرۆڤ داوایان له كاربهدهستانی كۆماری ئیسلامی و بهرپرسانی دهزگای قهزایی كردبوو ئهم دوو ڕۆژنامهنووسه كورده ئازاد بكهن، بهڵام ئهم داوایه به هێند وهرنهگیرا و برایانی كوردپوور ههروا له بهندیخانه دان.
