ئیداره‌ی ئیتلاعاتی شاری سنه ڕێگریی له پێدانی وام به كارخانه‌ی سوسیس و كاڵباسی ئه‌م شاره كرد. به‌پێی هه‌واڵی گه‌یشتوو به كوردستان و كورد، ماوه‌یه‌ك له‌وه‌پێش كارخانه‌ی سوسیس و كاڵباسی زۆنگ له به‌ره‌به‌ری ته‌واوبوونیدابوو پاش بڕیاری پێدانی وام له لایه‌ن بانكه‌وه قه‌راربوو بگه‌ڕێته‌وه شاری سنه به‌ڵام له لایه‌ن ئیتلاعاتی ئه‌م شاره‌وه ڕێگریی له پێدانی ئه‌م وامه گیراو له ئاكامدا ئه‌م كارخانه‌یه وه‌رشكست بوو و ٧٠ كرێكاری ئه‌م كارخانه‌یه بێكار بوون. شایانی باسه چه‌ند ساڵ له‌وه‌پێش كارخانه‌ی ڕستنی شاری سنه كه له قۆناخی كۆتاییدا بوو به هۆی پێنه‌دانی دوایین وام ئه‌م كارخانه‌یه‌ش وه‌رشكست بوو.
