ژێنێراڵێكی ئامریكایی ڕایگەیاند كە تاقیكاری لەسەر تەركێشە خۆمپارەكان كە لە لایەن داعشەوە بە دژی هێزە كوردییەكان لە عێراق كەلكیان لێ وەرگیراوە، ئهوه دهسهلمێنن كە ئەم گرووپە تێرۆریستییە گازی خەردەلی بەدژی پێشمهرگهکان بهكار هێناوە.
ژێنێراڵ كیفین كیلیا لە یەگانی دەریایی ئامریكاوە ڕایگەیاندووە كە ئەم تاقیكارییانە دوایین دهرهنجامهکان نینو ئەم تەركێشانەی كە لەو گرووپە بەجێ ماون بۆ جارێكی دیكەش بە وردی دەپشكێندرێن تا لە ئەنجامی تاقیكاریی سەرەتایی دڵنیا بین.
هەر لەم بارەوە وەزارەتی بەرگریی ئامریكا ڕایگەیاندبوو كە بە ئەگەری زۆر گرووپی تێرۆریستیی داعش لە ڕەوتی هێرش بۆ سەر هێزە كوردییەكان لە عێراق كەلكی لە چەكی شیمیایی وەرگرتووە.
پێشتریش ئەرتەشی ئاڵمان لە ڕاپۆرتێكی نهێنیدا باسی لەوە كردبوو كە داعش لە ڕەوتی شەڕ و پێكدادانەكان بەدژی هێزی پێشمەرگە لە شاری مەخمووری عێراق چەكی شیمیایی بەكار هێنابوو كە بەم هۆیەوە ٦٠ پێشمەرگە بریندار بوون.
ڕێكخراوی ئەمنیەتی هەرێمی كوردستانیش وێڕای پشتڕاست ردنەوەی ئەم هەواڵانە ڕایگەیاندوه كە بەپێی ئەنجامی توێژینەوە سەرەتاییەكان، وێدەچێ ئەم مادە شیمیاییانە لە ڕێگەی گوللەی خۆمپارەوە هاوێژرابنو له ئێستادا چەندین كەس لە هێزەكانی پێشمەرگە كە بەهۆی ئەم هێرشانە بریندار بوون، چارەسەر كراون.
