سووتانی زیاتر لە ١٠٠ هێکتار لە دارستانەکانی کرماشان‌و ئیلام لە سێ مانگی ڕابردوودا

هەواڵەکان لە کرماشان باس لەوە دەکەن کە لە دوو ڕۆژی ڕابردوودا ڕووبەرێکی زۆر لە دارستانەکانی گەیلانی ڕۆژاوا لە ئاوردا سووتاون.
فەرمانداری گەیلانی‌ڕۆژاوا دەڵێ تەنیا ڕۆژی پێنجشەممە ٤٥ هێکتار لە دارستان‌و لەوەڕگەکانی ئەو ناوچەیە سووتاون.
سەرچاوەکانی هەواڵ دەڵێن لە سەرەتای گەلاوێژەوە تا ئێستا ١٢ حاڵەتی ئاگرکەوتنەوە لە ناوچە جیاوازەکانی گەیلانی ڕۆژاوا ڕوویان داوەو بە گشتی ٧٥ هێکتار لە دارستانەکانی ئەو ناوچە سووتاون‌و بەپێی ئامارەکان بەو هۆیەوە زیاتر لە ٦ میلیارد تمەن زیان‌و خەسار بەر ژینگەی ئەو ناوچەیە کەوتوە.
هەر بەپێی هەواڵەکان لە پارێزگای ئیلامیش لە ماوەی کەمتر لە 3 مانگی ڕابردوودا زیاتر لە ٣٠ هێکتار لە دارستان‌و لەوەڕگە بەپیت‌و بەرەکەتەکانی ئەو ناوچەیەش لە ئاگردا سووتاون