بۆ دوویەمین جار بە بۆنەی ٢٢ی پووشپەڕ لە شاری بانە چالاکیی تەبلیغی کرا

شەوی ٢١ی پووشپەڕ بە بۆنەی ساڵڕۆژی تیرۆری ڕێبەری ناوداری کورد دوکتور عەبدولڕەحمان قاسملوو بە دەستی تیرۆریستانی کۆماری ئیسلامی، لایەنگرانی ڕێبازی قاسملوو لە شاری بانە بۆ جارێکی دیکە چالاکیی تەبلیغییان بەڕێوەبرد.
ئەندامان و لایەنگرانی حیزبی دێموکراتی کوردستان لە شاری بانە بە نووسینی دروشم و بڵاوکردنەوەی تڕاکتی پێوەندی‌دار، وێڕای بەرزڕاگرتنی یاد و ناوی سکرتێری پێشووی حیزبی دێموکرات و ڕێبەری لێوەشاوەی گەلەکەمان، بۆ جارێکی دیکە کۆماری تیرۆریستپەروەری ئێرانیان مەحکووم کرد و، لەگەڵ ڕێباز و ئامانجی شەهیدان بە تایبەتی ڕێبەرانی شەهید، پەیامی وەفادارییان نوێ‌کردەوە.
کۆمیسیۆنی تەشکیلاتی حیزبی دێموکراتی کوردستان وێڕای سپاس و دەستخۆشی لە سەرجەم لایەنگرانی حیزبی دێموکراتی کوردستان لە نێوخۆی وڵات ، بەتایبەتی تێکۆشەرانی دێموکرات لە شاری بانە ، سڵاویان بۆ دەنێرێ و هیوای سەرکەوتنیان بۆ بە ئاوات دەخوازێ.

 

1 لە 10

- +

1.

2.

3.

4.

5.

6.

7.

8.

9.

10.