کردنەوەی سنووری سەیرانبەندی بانە

ئێران‌و هەرێمی كوردستان لەسەر ئەمە ڕێككەوتوون كە سنووری سەیرانبەندی بانە بۆ ئاسانكاریی بازرگانی‌و هاتوچۆ لە نێوان هەر دوو لا بە ڕەسمی بکرێتەوە.
بەدوای دانیشتنی دوو ڕۆژەی هەیئەتی بازرگانی‌و كاربەدەستانی سنووریی ئێران لەگەڵ جێگری پارێزگاری سلێمانی‌و كاربەدەستانی هەرێمی كوردستان لە سنووری باشماخ، هەر دوو لا ڕێكارەكانی گەشەپێدان بە بازرگانی‌و گیروگرفتی هاتوچۆی بازرگانەكانو هەروەها سنووری سەیرانبەندی بانە تاوتوێ كرا.
بەپێی ڕێككەوتنەكە هەر دوو لایەن ڕەزامەندیی خۆیان لەسەر پێویستیی ئاسانكاریی هاتوچۆ و بازرگانیی زیاتر لەگەڵ هەرێمی كوردستان دەربڕیوەو بڕیاریان داوە سنووری سەیرانبەندی بانە بە ڕەسمی بکرێتەوەو گەشەی زیاتری پێ بدەن.
هەرێمی كوردستان بە یەكێك لە ناوەندە گرینگەكانی هاوردەی كاڵا لە ئێران دادەنرێ، بە شێوەیەك كە ئاستی مامەڵەی ئێران لەگەڵ هەرێمی كوردستان لە ساڵی ڕابردوو بڕی ٧ میلیارد دۆلار بووە.