بە پێی هەواڵێک کە بە دەستمان گەیشتووە ڕۆژی سێشەممە رێکەوتی ۷ی ڕەشەمە خاتوو گوڵباخ کۆنەپۆشی هاوسەری کاک موستەفای مێهرپەروەر تێکۆشەری دێرینی دێموکرات لە تەمەنی ٦٥ ساڵیدا بە هۆی سەکتەی دڵەوە لە شاری هەولێر ماڵاوایی لە ژیان کرد.
خاتوو گوڵباخ لە ئاوایی ڕەشەدێ سەر بە شاری مەریوان لە بنەماڵەیەکی نێودار لە دایکبوو.
لە قۆناخە سەختەکانی خەبات رزگاریخوازانەدا هاورێیەکی بەوەفا و پاڵپشتی هاوسەرەکەی بوو.
ئەو خاتوونە ئازیزە لە ماوەی پێشمەرگایەتی هاوسەرەکەیدا، دایکێکی دڵسۆز و خۆنەویست بۆ منداڵەکانی، خوشکێکی خەمخۆر و کەسەێکی خۆشناو لە نێو کەسوکار و ئاشناکانیدا بوو.
هەر لەو پێوەندییەدا رۆژی چوارشەممە ٨ی ڕەشەمە هەیئەتێکی حیزبی دێموکراتی کوردستان بە سەرپەرەستی مامۆستا عەبدوڵڵا حەسەنزادە کەسایەتی دیار و تێکۆشەری دێموکرات لە ڕێوڕەسمی خاتوو گوڵباخ لە شاری هەولێر بەشدارییان کرد و، لە نیزیکەوە هاوخەمی خۆی و حیزبی دێموکراتی کوردستانیان پێشکەش بە کەسوکاری خاتوو گوڵباخ و بنەماڵەی کوردپەروەری مێهرپەروەر کرد.
ڕاگەیاندنی حیزبی دێموکراتی کوردستان وێڕای ڕێزگرتن لە سەرجەم ژنانی تێکۆشەری کورد، پرسە و سەرەخۆشی خۆی ئاراستەی کەسوکار و بنەماڵەی خاتوو گوڵباخ دەکا و، خۆی بە شەریک و بەشدار لە خەمیان دەزانێ.
