قەرزی دەوڵەتی رووحانی بە بانکی ناوەندیی ئێران لە سەرماوەزی ساڵی ١٣٩٧ی هەتاویی گەیشتە ٤٣ هەزار میلیارد تمەن کە لە چاو ساڵی ڕابردوو ١١.٨ لەسەد زیادی کردووە.
بەپێی ڕاپۆەرتی هەواڵدەریی “ئیسنا”، ڕۆژی سێشەممە ٢٣ی ڕێبەندان، بانکی ناوەندیی بە بڵاوکردنەوەی ئاماری بەشی دراو و بانکی ئێران لە سەرماوزەزی ١٣٩٧ی هەتاوییدا ئاماژەی بەوەداوە کە قەرزی گشتیی دەوڵەت و کۆمپانیا و دامەزراوەکانی دەوڵەتی ٧١ هەزار میلیارد تمەنە.
بەپێی ئەو ئامارە قەرزی بەشی دەوڵەتی بە بانکی ناوەندیی لە چاو سەرماوەزی ساڵی رابردوو ١١.٨ لەسەد و لەچاو ڕەشەمەی ساڵی رابردوو ٣٤.١ لەسەد زیادی کردووە.
بەپێی ئەو ڕاپۆرتە قەرزی بەشی دەوڵەتی بە بانکی ناوەندی لە سەرماوەزی ساڵی رابردوو ٦٣ هەزار میلیارد و لە ڕەشەمەی هەمان ساڵدا نزیکەی ٥٣ هەزار میلیارد تمەن بووە.