نرخی نەوت لە بازاڕە جیهانییەکاندا بۆ خوار ٥٠ دۆلار دابەزی.
بەهۆی نیگەرانییەكان لە بابەت نزیكبوونەوەی ڕێژەی بەرهەمهێنانی نەوتی ئامریكا بۆ بەرزترین ئاستی خولی نوێ‌و هەروەها دوورردیمەنێكی نە زۆر باش لە بابەت ئابووریی وڵاتی چین لە ماوەی ئەم ٧ مانگەی دواییدا؛ نرخی زێڕی نەوت لە ماوەی چەند ڕۆژی ڕابردوودا گەیشتۆتە كەمترین ئاست.
بەپێی ڕاپۆرتی هەواڵدەریی ڕۆیتێرز ڕۆژی سێشەممە نرخی نەوتی دەریای برێنت لە بازاڕی جیهانیدا ٢٨ سێنت دابەزی‌و هەر بۆشكە لەم نەوتە بە ٤٩ دۆلار و ٨٠ سێنت فرۆشرا، هەروەها نرخی نەوتی “وێستی تێگزاس ئینتێرمیدێت”ی ئامریكاش ٣٣ سێنت لە کەمی داو هەر بۆشكەی بە ٤٥ دۆلار و ٥٢ سێنت مامەڵە کراوە. بەڵام لەگەڵ ئەوەش‌دا چاوەڕوان دەکرێ بەردەوامیی دابەزینی نرخی نەوتی برێنت تا ئاستی ٤٥ دۆلار درێژەی هەبێ.
