کاربەدەستانی دەوڵەتی تورکیە لە هەوڵدان کە تەنانەت نەخشەی کوردستان لەسەر گووگڵ بسڕنەوە.
بە پێی هەواڵی بڵاو کراوە لە میدیاکان وەزیری ژێرخانی تورکیە ڕایگەیاندوە بۆ نەهێشتنی نەخشەی کوردستان لە بەشی ئینگلیزی نەخشەی گووگڵ سەردانی ئەو دامەزراوەیان کردوەو خوازیاری سڕینەوەی نەخشەی کوردستانن، لە بەشی ئینگلیزی گووگڵدا.
جاهید تورهان وەزیر گواستنەوەو ژێرخانی تورکیە لە وڵامی پرسیاری نوێنەری فڕاکسیۆنی “ئیی پارتی” سەبارەت بە هەبوونی نەخشەی “کوردستانی گەورە” لە بەشی نەخشەی گووگڵ گوتی: بۆ لابردنی نەخشەی کوردستان لە گووگڵ کە بەشێک لە خاکی تورکیەشی تێیدایە، سەردانی دامەزراوەی “گووگڵ”مان کردوەو نیگەرانیی خۆمانمان ڕاگەیاندوەو لە هەوڵ داین نەخشەی کوردستان لەسەر گووگڵ بسڕێتەوە.
جێیوەبیرهێنانەوەیە لە ڕەزبەری ئەمساڵ نوێنەری فڕاکسیۆنی “ئیی پارتی” یاوز ئاغراڵی ئۆغڵوو پرسی نەخشەی کوردستانی لە مەجلیسی تورکیە خستەبەرباس و، بە نووسراوەیەکی فەرمی داوای لە وەزیری ژێرخانی وڵاتەکەی کردوە کە بەدواداچوون بۆ ئەو بابەتە بکات کە مەترسییە بۆسەر خاکی تورکیە.