ناوەندی کۆنترۆڵ و چاودێری کردنی داراییە دەرەکییەکانی وەزارەتی خەزێنەداری ئەمریکا (ئۆفک) به مەبەستی بەئامانج کردنی چوار کەس لە دەستوپەیوەندییەکانی حێزبوڵڵا، کە کاروباری دارایی، هەواڵگری و چالاکیە سەربازییەکانی حێزبوڵڵا لە عێراق هەڵدەسووڕێنن، هەوڵێکی دەستپێکردووە.
سیگال ماندێلکەر، جێگری وەزارەتی خزێنەداری ویلایەتە یەکگرتووەکانی ئەمریکا بۆ کاروباری تیرۆریزم و زانیارییە داراییەکان وتی: حێزبوڵڵا لایەنێکی تیرۆریستییە کە نوێنەرایەتی کۆماری ئیسلامی ئێران ئەکات و هەوڵدەدات بۆ لاوازکردنی دەسەڵات و سەروەری سیاسی عێراق و ناسەقامگیرکردنی ڕۆژهەڵاتی ناڤین. ئێمه ئەوانەی ئاسانکاری دەکەن بۆ تیرۆریزم لەوان “عەبید ئەلزەیدی” دەکەینە ئامانجی خۆمان کە نەوتی ئێران بە قاچاخ دەگەوازێتەوە، پارە بۆ حێزبۆڵڵا وەدەست دەخات و، لە لایەن قاسم سلێمانی-یەوە هێزەکانی سوپای قودسی پاسداران ڕەوانەی سووریا دەکات. هەوڵە ڕێکخراوەکانی وەزارەتی خەزێنەداری ئەمریکا بەنیازە بەر بە هەوڵە نهێنیەکانی حێزبوڵڵا بگرێت کە بۆ داگیر کردنی عێراق دەیخاتە گەڕ؛ ئەو هەوڵانەی کە بەمەستی سپی کردنەوەی پارە، ڕاهێنانی هێزی شەڕکەر و کۆکردنەوەی زانیاری له لایەن هێزێکەوە بە نوێنەرایەتی ئێران جێبەجێ دەکرێن.
