کەلوپەلی پۆلێک لە کاسبکاری سەردەشتی لە لایەن هێزە چەکدارەکانی ڕێژیمەوە دەستی بەسەرداگیرا.
بە پێی هەواڵێک کە لە شاری سەردەشتەوە بە دەستمان گەیشتووە، ئەمڕۆ دووشەممە ٢١ی خەزەڵوەر کاتژمێر ١٠ی پێشنیوەڕۆ پۆلێک کاسبکاری سەردەشتی خەڵکی گوندی دۆڵەتوو، سەر بە ناوچەی بۆڵفەت کە بەتەمای هێنانی کەلوپەل بوون بۆ باشووری کوردستان کەتوونەتە کەمینی هێزە چەکدارەکانی ڕێژیم و
سەرجەم کەلوپەلەکانیان تاڵانکراوەو ١٥سەر هێستری ئەو کاسبکارانەش بە تەقەی هێزەکانی رێژیم کوژراون.
کوشتن و تاڵانکردنی کۆڵبەرو کاسبکارانی کورد کاری هەر رۆژەی هێزە چەکدارەکانی رێژیمەو سەرەڕای نارزایەتی و هەڵوێستی دەربڕینی کۆڕ و کۆمەڵی مافی مرۆڤ و لایەن و کەسایەتییە سیاسی و مەدەنییەکان، کۆماری ئیسلامی هێشتا لە کوشتنی کۆڵبەران هەر بەردەوامە.
