دابەزینی سەدی ٧ی پێكهێنانی ژیانی هاوبەش لە پارێزگای سنە

لە ماوەی 3 مانگی سەرەتای ئەمساڵدا ڕێژەی پێكهێنانی ژیانی هاوبەش لە پارێزگای سنە تا ئاستی سەدی ٦ دابەزیوە.
بەپێی ئاماری سەبتی ئەحواڵی پارێزگای سنە لە 3 مانگی سەرەتای ئەمساڵدا ٤ هەزار و ٦٢٢ حاڵەتی ژنهێنان لەم پارێزگایەدا تۆمار كراوە كە لەچاو ماوەی هاوشێوەی ساڵی پێشتر سەدی ٦.٧٥ لە كەمی داوە.
بە هەمان شێوە كە لەم راپۆرتەدا هاتووە نێونجیی تەمەنیی ژنهێنان لە نێو پیاواندا ٢٩ ساڵ‌و نێونجیی تەمەنیی شووكردنی كچانیش ٢٤ ساڵ ڕاگەیەندراوە.
هەر لە 3 مانگەی سەرەتای ئەمساڵدا ٩٣٨ حاڵەتی تەڵاق‌و لێكترازانی بنەماڵە لەم پارێزگایەدا تۆمار كراوە كە بە نیسبەت ماوەی هاوەشێوەی ساڵی پێشتر تا ئاستێكی بەرچاو زیادی کردوه‌.
گرفتە ئابوورییەكان، بێكاری‌و گۆڕدرانی شێوەی پێوەندییە جنسییەكان‌و نەبوونی مەیلی پیاوان بۆ ژن هێنانی رەسمی‌و ئەرك وەخۆنه‌گریی لاوان وەك هۆكارەكانی دابەزینی ئاماری ژنهێنان راگەیەندراون و، بێكاری و ئیعتیادیش لە ریزی هۆكارەكانی بەرز بوونەوەی ئاماری تەڵاق لە ئێران داده‌نرێن.