سەرچاوەكانی ئاوی تاق‌وەسان سه‌ره‌ڕای ئیدیعای کاربه‌ده‌ستان هەروا وشك‌و بێ ئاون.
عەلیڕەزا مرادیی بێستوونی، جێگری میراتی فەرهەنگی، پیشەسازییە دەستییەكان‌و گەشتیاریی پارێزگای كرماشان گوتی: پاش چەند ڕۆژ پاش وشك وونی سەرچاوە ئاوییەكانی تاق وەسان، ئەمڕۆ لەناكاو ئەم سەرچاوانە خرۆشانەوە. بێستوونی ده‌ڵی: وەجۆش هاتنەوەی چەم‌و كانیاوەكانی تاق وەسان هاوشێوەی پۆمپی ئاوە، بە جۆرێك كە بۆ ماوەیەك لە حاڵی كەفوكوڵ كردن دان‌و ماوەیەكیش ئاوەكەیان لێده‌بڕێ؛ ، ئەوە لە حاڵێكدایە كە بەپێی قسەكانی دانیشتووانی ناوچەكە تا ئێستا هیچ كام لە سەرچاوەكانی تاق‌وەسان نه‌ته‌قیونه‌ته‌وه‌و ئاویان لێ نایه.
چەم‌و كانیاوە چەند هەزار ساڵەكانی سەراوی تاق‌وەسانی كرماشان لەناكاو و تەنیا لە ماوەی 24 كاتژمێردا وشك بوون‌و گۆلە جوان و پڕلە ئاوەكەی ئەم ناوچەیە بۆتە حه‌وزێکی بەتاڵ‌و بێ ئاو.
بەڕێوەبەری گشتیی شیركەتی ئاوی ناوچەیی كرماشان لیدرانی بیرە ناقانوونییەكانی وەك هۆكاری سەرەكیی وشك بوونی ئەم سەراوە ڕەد كردۆتەوەو سەرەكیترین هۆكاری وشك بوونی سەراوی تاق‌وەسانی بۆ وشكەساڵی و نەبارینی باران گەڕاندۆتەوە.
