سەیدڕامین حوسێنی موشەعشەعی کوڕی سەید نوورئاغا موشەعشەعی لە بنەماڵە ناسراوەکانی کوردی یارسانی، لە ئیدارەی ئیتلاعاتی هەمەدان لەژێر ئازار وئەشکەنجە گیانی لە دەستداوە.
ئەو لاوە یارسانییە رۆژی سێشەممە ٣ی ڕەزبەری ٩٧ی هەتاوی لە ئاوایی قلقلی تویسرکان دەسبەسەر دەکرێ و پاش گواستنەوەی بۆ ئیدارەی ئیتلاعاتی شاری هەمەدان لەوێدا گیانی لێ ئەستێندراوە و، بە بنەماڵەکەشیان ڕاگەیاندووە ؛ کە نابێ کوژرانی کوڕەکەیان بە ڕاگەیاند بکرێ و لەو بارەوە بە توندی هەڕەشەیان لێکراوە.
ڕێکخراوی سیاسی و مەدەنیییارسان ، وێڕای پشتڕاست کردنەوەی ئەو هەواڵە، تازەترین کردەوەی نامرۆڤانەی کۆماری ئیسلامی بە دژی هاووڵاتییانی سەر بە “ئایینی یاری” مەحکووم کردوە.
جێیئاماژەیە ئەو لاوە یارسانییە، پێشتر بۆ ماوەی ٨مانگ بە “تاوانی هەوڵدان بەدژی ئاسایشی نیشتمانی لە ڕێگای ئاییی یارییەوە” دەسبەسەرکرابوو.
زانیارییەکان باس لەوە دەکەن کە ئەمجارە جیا لەو تۆمەتانە ، تۆمەتی هاوکاری کردن لە گەڵ حیزبە بەرهەڵستکارەکانی رێژیمی وەپاڵ دراوە.
شیاوی باسە لە ئێران نیزیک دوو میلیۆن هاووڵاتی یارسانی هەیە، کە لە زۆربەی مافەکان لە ئێراندا بێبەشن و کۆماری ئیسلامی هەرچەشنە مافخوازیەکی ئایینی و نەتەوەیی یارسانەکان سەرکوت دەکا.
جێیئاماژەیە کۆمەڵگەی یارسانەکان بە بۆنەی گیان لەدەستدانی سەید ڕامین موشەعشەعی، کوڕەزای سەید نوسرەت موشەعشەعی کە یەکێکە لە ڕێبەرانی ئایینی یارسان، ماتەمینی ڕاگەیاندوە.