ئاواییه‌كی شاری دیوانده‌ره به هۆی هه‌ڵبه‌ستنی به‌نداوی سیازاخ هێشتا چاره‌نووسیان ڕوون نه‌كراوه‌ته‌وه.
به‌پێی هه‌واڵی گه‌یشتوو به كوردستان و كورد، ماوه‌ی چه‌ند ساڵ له‌وه‌پێش به هۆی هه‌ڵبه‌ستنی به‌نداوی سیازاخ، خه‌ڵكی ئاوایی گڵه‌سوور كه قه‌راربوو چۆڵ بكرێ‌و هه‌ر خه‌ساره‌ت‌و زیانێكی لێیان بكه‌وێ بۆیان قه‌ره‌بوو بكه‌نه‌وه به‌ڵام هێشتا وه‌ك خۆی ماوه‌ته‌وه‌و هیچیان بۆ نه‌كراوه.
بەپێی ئەو ڕاپۆرتە نیوه‌ی ئاوایی چۆڵیان كردوه‌و كاربه‌ده‌ستانی پێوه‌ندیدارو فه‌رمانداری ئه‌مشاره‌ش به‌ڵێنیی قه‌ربووكردنه‌وه‌یان پێداون، به‌ڵام ئەوانە هه‌ر له چوارچێوه‌ی قسه‌دا بووه‌و ئەوەش وایکردوە کە خەڵکەکەی دیکە لەبەر ئەو هۆیانە گوندەکەیان چۆڵ نەکەن.
