لە پارێزگای كرماشان ٦٥ هەزارو ٩٤١ ژنی سەرپەرستی خێزانەکانیان.
شەریفە حەقشناس، بەڕێوەبەری گشتیی كاروباری ژنانو بنەماڵەی پارێزگای كرماشان دەڵێ بەپێی ئەم ئامارانەی كە لە سەرژمێریی ساڵی ٩٠ وەدەست كەوتووە، لە ئێران ٢ میلیۆن و ٥٤٨ هەزار ژنی سەرپەرستی بنەماڵە هەیە كە بەشی پارێزگای کرماشان ٦٥ هەزار و ٩٤١ كەس لەوانە.
بەم جۆرە كە لە قسەكانی ناوبراودا دەركەوتووە، كۆمەڵێك لە ژنانی سەرپەرستی خێزان لەژێر چاوەدێریی دابینكردنی كۆمەڵایەتیو ڕێكخراوە پشتگیریكارەكانی وەك كۆمیتەی ئیمداد و ڕێكخراوی بێهزیستی دان، دیارە بەهۆی نزمبوونی ئاستی خزمەتگوزارییەكان زۆربەی هەرە زۆری ئەم ژنانە لەگەڵ گیروگرفتێكی زۆر بەرەوڕوون و كۆمەڵێكی دیكەشیان بەردەوام لە ڕیزی ئەم خزمەتگوزارییانە دان.
حەقشناس وێڕای ڕەخنە گرتن لەم بڕە پشتیوانییە كەمە، لە بارەی ژنانی سەرپەرستی خێزانەوە گوتی: زۆر جار دیتوومانە ژنێكی سەرپەرستی خێزان بۆ دابینكردنی پێداویستییەكانی بنەماڵەكەی ناچار بووە كاری ناشایستو بەدوور لە عورف و عادەتەكانی كۆمەڵگا بکەن کە فرۆشتنی گورچیلە لە هەرە کارە باوەکانی ئەو کارانەیە.
