لە دڕیژەی پیامی سەرەخۆشی و مەحکوم کردنی مووشەکبارانی بارەگای سەرەکی حیزبی دیموکراتی کوردستان لە ڕۆژی شەممە ١٧ی خەرمانان کە بەداخەوە بوو بە هۆی شەهید و بریندار بوونی دەیان ئەندامی ڕێبەری و کادر و پێشمەرگەکان ڕێکخراوی تەڤگەری ئازادیی کۆمەڵگەی کوردستان پەیامێکی سەرەخۆشی ئاڕاستەی حیزبی دیموکراتی کوردستان کردوە و وێڕای سەرەخۆشی لە ماڵباتی شەهیدان و هیواخوازی بۆ هەرچی زووتر ساڕێژبوونەوەی برینداران، هێرشی مووشەکی کۆماری ئیسلامیی ئێرانیان بەتوندی مەحکوم کردووە. لە بەشێک لەو پیانەدا هاتووە: هێرش و بۆمبارانی موشەکی جمهوری ئیسلامی ئێران بۆسەر بارەگای حیزبی دیموکراتی کوردستان حدک و کەمپی نیشتەجێبوونی هاوڵاتیانی ڕۆژهەڵاتی کوردستان لە کۆیە بەتووندی ئیدانە و شەرمەزار دەکەین.
لە بەشی کۆتایی ئەو پەیانەدا وێڕای مەحکومکردنی سیاسەتی سەرکوت و تۆقاندنی گەلی کورد لە لایەن داگیرکەرانی کوردستانەوە هاتووە: داواکارین هەرچی زووە هێزو لایەنە سیاسیەکان لە ئاستی هەموو بەشەکانی کوردستان و کەسایەتی و رێخستنە مەدەنیەکان بڕیاری ئازایانە و بەرپرسانە بدەن بۆ هانگاونان بەرەو کۆنگرەی نەتەوەیی کوردستان وەک باشترین وەڵام بۆ داگیرکەران کە تەنیا بەو تێکۆشانە دلی برینداری گەلەکەمان و روحی شەهیدان ئاسودە دەبیت.
تەڤگەری ئازادی کۆمەڵگەی کوردستان
