بەداخ و کەسەرێکی زۆرەوە ڕادەگەیەنین کە ئەمڕۆ بەیانی ٨ی سێپتامبری ٢٠١٨ ناوەند و بنکەکانی دەفتەری سیاسی هەردوو لایەنی حیزبی دیمۆکراتی کوردستانی ئێران و حیزبی دیموکراتی کوردستان کەوتنە بەر هێرشی مووشەکی و هەوایی ڕێژیمی ئاخوندی ئێران، بەداخەوە بەپێی زانیاریە سەرەتاییەکان ژمارەیەک لە ئەندامانی ڕێبەری و کادر و پێشمەرگەی هەر دوو لایەنەکە شەهید و برینداربوون.
سازمانی خەباتی کوردستانی ئێران، وێڕای مەحکومکردنی توندی ئەو پەلامارە دژەئینسانییە، لەلایەن ڕێژیمی ئاخوندیەوە، داوا لەسەرجەم کۆمەڵانی خەڵکی کوردستان بەگشتی و دانیشتوانی شاری سەربەرزی کۆیە بەتایبەتی دەکەین کە بەهانای بریندارانەوە بێن. داوا لە هەموو ناوەند و ڕەهەندە سیاسیەکانی کوردستانی و جیهانی دەکەین کە لەهەمبەر ئەو پەلامارە دژە ئینسانیە بێدەنگ نەبن و ڕێژیمی ئاخوندی بەتوندترین شێوە مەحکوم بکەن.
سازمانی خەباتی کوردستان وێرای هاوخەمی و سەرەخۆشی لە کەسوکاری و سەرکردایەتی هەردوو حیزبی دیموکرات لە هەمبەر شەهیدەکانی ئەو پەلامارە. هیوای چاکبونەوە و زوو چارەسەری بۆ بریندارەکان دەخوازێ و لەو پێوەندیەدا ئامادەیی خۆی بۆ هەر جۆرە هاوکاریەک کە خزمەت بە کەمکردنەوەی زیانەکانی ئەو هێرشەبکا دەددەبڕێ.
سازمانی خەباتی کوردستانی ئێران
دەفتەری سیاسی
٨ی سێپتامبری ٢٠١٨ بەرامبەر بە ١٧ی خەرمانانی ١٣٩٧
