وەرێخستنی هەڵمەتی خوێنبەخشین بۆ زامدارانی ڕووداوەکەی قەڵای دێموکرات

لە درێژەی بەهاناهاتنەوەی خەڵکی کۆیە و دەورووبەری بۆ خوێنبەخشین بە بریندارەکانی حیزبی دێموکرات، بەڕێوەبەر و کارمەندانی بەڕێوەبەرایەتیی ئەوقافی سۆران، هەڵمەتێكی خوێنبەخشینیان لە نەخۆشخانەی ئاشتیی شاری سۆران ئەنجام دا.
لەوپێوەندییەدا هەواڵدەری باسنیووز لەدەم م. وەیسی سەعید وەیسی، بەڕێوەبەری ئەوقافی سۆران، ڕاگەیاندووە کە ڕۆژی دووشەممە، ١٠/٠٩/٢٠١٨ لە ڕوانگەی پەرۆشبوونیان بۆ بریندارانی مووشوکبارانی قەڵای دێموکرات لە شاری كۆیە هەڵمەتێکی خوێنبەخشین ئەنجام دەدەن. بەڕێوەبەری ئەوقافی سۆران دەڵێ: بەداخەوە هەمیشە دوژمنان هەوڵی لەناوبردن و سڕینەوەی رۆڵەكانی گەلی كورد دەدەن، بۆیەش بە توندی ناڕەزایی خۆمان دەردەبڕین لە هەمبەر مووشەكبارانكردنی بارەگاكانی دیموكرات، كە ئەمەش پێچەوانەی تەواوی بنەما ئایینی و یاسا و رێكکەوتنامەی نێودەوڵەتییەكانە”.
ناوبراو گوتیشی، حەقە دوژمنانی گەلی كورد بیر لەوە بكەنەوە، لە رێگای دیالۆگ و لێكتێگەیشتن كێشەكان چارەسەر بكەن، چونكە هیچكات كێشەی گەلی كورد بە توندوتیژی و كوشتن و بۆردومان چارەسەر نابێت”.
شایانی باسە ڕۆژی شەممە ١٧ی خەرمانان قەڵای دێموکرات کەوتە بەر ڕەهێڵەی مووشەکبارانی ڕێژیمی کوردکوژی کۆماری ئیسلامی کە بەو هۆیەوە ١٦ ئەندامی ڕێبەری و کادر و پێشمەرگەی دێموکرات شهید و ٤٠ کەسیش بریندار بوون کە لە نیویاندا ژن و منداڵ هەیە

 

1 لە 9

- +

1.

2.

3.

4.

5.

6.

7.

8.

9.