نرخی یەك دۆلاری ئەمریکا ڕۆژی سێشەممە ١٣ی خەرمانان، لە ئێران ریكۆردێكی تازەی شكاندو لە ١٣٠٠٠ تمەن تێپەڕی ، ئەمە بەرزترین نرخی دۆلارە لە بەرامبەر تمەن، كە لە بازاڕەکانی ناڕەسمی تاراندا تۆمار کراوە.
بەپێی ئەو هەواڵانەی کە بڵاوکراوەتەو ئەمڕۆ سێشەممە ١٣ی خەرمانان، یەك بە ١٣ هەزارو 100تمەن لە بازاڕەكانی تاران فرۆشراوە.
لە دوای ئەوەی کە دۆناڵد ترامپ سەرۆكی ئەمریكا لە مانگی گوڵانی ئەمساڵدا كشانەوەی وڵاتەكەی لە رێككەوتننامەی ئەتۆمی لەگەڵ ئێران راگەیاند، پارەی ئێرانی نزیكەی نیوەی بەهای خۆی لەبەرامبەر دۆلاری ئەمریکا لەدەستداوە. هەر ئەوەش بۆتە هۆی پێکهێنانی قەیرانگەلێکی ئابووری و بێکاری و هەڵاوسان لەو وڵاتەو هاووڵاتیانیش ڕۆژ لەدوای ڕۆژ زیاتر لە هێڵی هەژاریی ڕەها نزیکتر دەبنەوە و هەر ئەوەش بۆتە هۆی دەربڕینی نارەزایەتیی خەڵکی.