لە درێژەی هاوخەمی کردنی چین وتوێژەکانی خەڵکی کوردستان بە بۆنەی گیان لەدەستدانی چوار شەهیدی ژینگەی نیشتمان، چالاکانی مەدەنی و ژینگەپارێزانی شاری قوروە لە پارێزگای سنە بە بڵاوکردنەوەی پەیام وێڕای پێشکەش کردنی پرسەو سەرەخۆشی بە بنەماڵەی ئەو چوار ژینگە پارێزە ، لە دەستدانی چەند ژینگەویستی مەریوانییان بەخەسارێکی گەورە زانیوە.
لە بەشێک لە پەیامی چالاکانی مەدەنی شاری قوروەدا هاتووە؛
لە دەستدانی ئەم بەڕێزانە خەسارێکی گەورە بوو لە ڕەوتی مەدەنی و فەرهەنگی نیشتمانەکەمان.
بەڵام بە دڵنیاییەوە ڕێگەی پیرۆزی ئەو ژینگە پارێزانە بێ رێبوار نابێ و، لاوان و چالاکانی مەدەنی و ژینگە پارێزی کوردستان درێژەدەری ڕێبازی ئەو بەڕێزانەن.
چالاکانی مەدەنی و ژینگە پارێزی شاری قوروە بە بۆنەی ئەم کارەساتە دڵتەزێنەوە سەرەخۆشی خۆمان ئاراستەی بنەماڵەی ئەو ئازیزانە و هەموو خەڵکی کوردستان دەکەین. رۆحیان شاد و یادیان هەر دەم بەرز و پیرۆز بێ.
