لە ماوی چەند رۆژی ڕابردوودا، لە شارەکانی بۆکان و کامیاران دوو لاو، لە لایەن هێزە ئەمنییەکانەوە دەسبەسەر کراون.
رۆژی سێشەممە ٣ی گەلاوێژ چالاکێکی مەدەنی بەناوی ئومێد ئەسەدی خەڵکی کامیاران بە هۆکاری ناروون لە لایەن هێزە ئەمنییەکانەوە دەسبەسەرکراوەو، لە چارەنووسی هیچ زانیارییەک لە بەردەستدا نیە.
بە پێی هەواڵێکی دیکە ئەنوەر ئەشتەری خەڵکی ئاوایی “چواردیوار”ی بۆکان کە دوو حەوتە پێش سەردانی باشووری کوردستانی کردبوو، لە کاتی گەڕانەوە، لە سنووری باشماخی مەریوان دەسبەسەرکراوە.
دەگوترێ ئەو لاوە بۆکانییە بە تۆمەتی هاوکاری کردن لە گەڵ یەکێک لە حیزبە کوردییەکانی بەرهەڵسکاری ڕێژیم لە گرتووخانەی ئیتلاعات ڕاگیراوە.