لە لایەن حیزبی دیمۆکراتی کوردستان کۆمیتەی ئوتریش لە ڕێکەوتی ٢٤ی گەلاوێژ لە ڤییەن پایتەختی وڵاتی ئوتریش کۆڕێکی بەرزڕاگرتنی یادی ٧٣ ساڵەی دامەزرانی حیزبەکەمان بە بەشداری ئەندامان و لایانگرانی حیزب و هەروەها نوێنەری چەندین حیزب و ڕێکخراوی کوردستانی بە ڕێوە چوو.
بەرنامەکە سەرتا بە وتەی بەخێر هێنانی خاتو مونیرە نیگەهدار وەک بەڕێوەبەری بەرنامە و سرودی نەتەوایەتی ئەی ڕەقیب کە لە لایەن هونەرمەند ڕێباز پێشکەش کرا دەستی پێکرد. پاشان خولەکێک بێدەنگی بۆ ڕێزگرتن لە شەهیدانی سوور خەلاتی گەلەکەمان و بە تایبەت ئەو پۆلە شەهیدەی دوایی ڕۆژهەڵاتی کوردستان، ئامادەبووان خولەکێک بە بیدەنگی ڕاوەستان.
ئینجا پەیامی حیزبی دیمۆکراتی کوردستان، کۆمیتەی ئوتریش بە بۆنەی ٧٣هەمین ساڵیادی دامەزرانی حیزبەکەمان، لە لایەن کاک خدری هەمزەنژاد بەرپرسی کۆمیتەی حدک لە وڵاتی ئوتریش پێکەشی بەشداران کرا.
دوای پەیامی حدک چەند پارچە ئاوازێکی ڕەسەنی کوردی بە ئامێری شمشاڵ لە لایەن هونەرمەند رێباز ئاویتەی بەرنامەی هونەری ئەم ڕۆژیادە کرا.
پێویست بە ئاماژەیە کە چەندین حیزب و ڕێکخراوی کوردستانی بەشداری ئەو ڕێورەسمە بوون و
پەیامیان بەم بۆنەوە لە لایەن نوێنەرەکانیان خوێندرایەوە بریتی بوون لە:
– پارتی دیمۆکراتی کوردستان
– پارتی دیمۆکراتی کوردستان سوریە
– پارتی دیمۆکراتی پێشوەرۆی کورد لە سوریە
پەیامەکانی کە بەم بۆنەوە بە بەڕێوەبەرانی ئەم یادەڕۆژە گەیشتبون بریتی بوون لە:
– پەیامی یەکیەتی نیشتیمانی کوردستان
– پەیامی حیزبی شیوعی کودرستان
– پەیامی کۆمەڵەی کوردە ئێزیدیەکان
– پەیامی دوکتۆر یوسف سترانیگ ئەندام پارلمان ل سەر لیستی حیزبی سۆسیال دیمۆکراتی ئوتریش
– پەیامی دوکتۆر کریسپەر ئەندام پارلمان لە سەر لیستی پارتی لیبڕال
– پەیامی ناوندی کولتوری ئیسرایلیەکان
– پەیامی ڕێکخراوی Stop the Bomb
– هەروەها پەیامی خاتوو سیسی دانینگەر ڕۆژنامەنوس و دۆستی کورد
لە بەشێکی دیکەی بەرنامەکەدا هونەرمەندان ڕێباز و شۆڕش مەولایی بە چەند ئاهەنگی دڵگیر و خۆش بەرنامەکەیان ڕازاوەتر و خۆشتر کرد.
پێویستە بگوترێ کە ساڵۆنی بەرنامەکە بە ئاڵای کوردستان، ئاڕمی حیزب و وێنەی شەهیدان و هەروەها مۆمی ٧٣ ساڵەی دامەزرانی حدک ڕازابووە.
لە کۆتای دا هاوڕێیان بەم بۆنەوە ئێوارە خوانێکیان ئامادە کردبوو کە بە بەشداری نوێنەرایەتی حیزب و ڕێکخراوەکان و تێکڕای بەشداران ئەم ئێوارەخوانەیە بەڕیوە چوو.
