دادگای ئینقلابی شاری تاران ٧ دەروێشی گونابادی بە توندی سزا دا.
بە پێی هەواڵی بڵاوکراو لەسەرچاوە خۆجێیەکان دادگای ئینقلابی تاران، ٥٩ساڵ زیندان و ٦٦٦لێدانی قامچی و ١٢ساڵ دوور خستنەوەی بە سەر ٧ دەروێشی گونابادی دەسبەسەرکراو بە شێوەی غیابی سەپاندوە.
ئەو ٧ دەروێشە مانیان لە ئامادەبوون لە دادگا گرت و، هەربۆیە بە شێوی غیابی سزا دراون.
رۆژی ٢٣ی گەلاوێژ لە درێژەی دادگایی کردنی ٧ دەروێشی گونابادی کە لەڕەوتی ناڕەزایەتییەکانی ساڵی ڕابردووی شەقامی گوڵستانی شاری تاران دەسبەسەرکرابوون، لە لایەن قازی سەڵواتییەوە بە توندی سزا دران.
شووناس و حووکمی درەکراو بۆ دەروێشەکان بەم شێوەیە:
مەهدی مەهدویفەڕ؛١٣ ونیو ساڵ سزای زیندانی تەعزیری و، ١٤٨لێدانی قامچی و، ٢ساڵ دوورخستنەوە بەرەو سیستان وبەلووچستان و، ٢ ساڵ بێبەش بوون لە مافی چالاکیی کۆمەڵایەتی.
بەشیرڕیاحی ؛١٠ونیو ساڵ زیندانی تەعزیزی، ١٤٨لێدانی قامچی ، ٢ ساڵ دوور خستنەوەو دووساڵ بێبەشبوون لە هەرچەشنە چالاکیی کۆمەڵایەتی.
سەخاوت سەلیمی؛٧ساڵ زیندان و ، ٧٤ لێدانی قامچی،٢ساڵ دوورخستنەوە بۆ نیکشاری سیستان وبەلووچستان و، ٢ ساڵ بێبەش بوون لە چالاکییگەل کۆمەڵایەتی.
ئەبولفەزڵ سەحرایی؛٧ساڵ زیندانی تەعزیزی ، ٧٤لێدانی قامچی، ٢ ساڵ دوورخستنەوە بۆ سەربیشەی سیاستان وبەلووچستان و ٢ساڵ بێبەش بوون لە چالاکیی کۆمەڵایەتی.
رۆستەم سەگوەند؛ ٧ساڵ زیندان، ٧٤ لێدانی قامچی،٢ساڵ دوورخستنەوە بۆ نەهیدانی سیستان وبەلووچستان .
مورتێزا کەنگەرلوو؛ ٧ساڵ سزای زیندان ، ٧٤لێدانی قامچی، ٢ ساڵ دوورخستنەوە بۆ سەربیشەو، ٢ساڵ بێبەشبوون لە چالاکیی کۆمەڵایەتی.
ئەردەشیرعەشایری؛٧ ساڵ زیندانی تەعزیری،٧٤ لێدانی قامچی، ٢ ساڵ دوورخستنەوە بۆ سەراوان
شیاوی باسە ساڵی رابردوو نارەزایەتیی دەروێشانی گونابادی بە توندترین شێوە لە لایەن هێزە ئەمنییەکانەوە سەرکوت کراو، بە دەیان کەسیان دەسبەسەرکراون و ، ئێستاش لە بەندیخانەی ئیڤینی تاران و ڕەجایی شار ڕاگیراون.