سهرچاوهیهكی فهڕانسەیی لهبارهی گەمارۆكانی سهر تاران ڕایگهیاند، ، واشنگتۆن ههموو داواكارییهكانی بۆ لێخۆشبوون له شیرکەتە فهڕانسەیی و ئاڵمانی و بریتانییهكان، كه له ئێران چالاکییان هەیە، ڕهت كردووهتهوه.
ئاژانسی ههواڵدەریی فهڕانسە، بڵاوی كردووهتهوه، كه سهرچاوهیهكی فهڕانسەیی، ڕایگهیاندووه، له وهڵامی نامهیهكی پاریس و برلین و لهندهن، كه سهرهتای مانگی ڕابردوو بۆ دەوڵەتی ئهمریكا نێردرابوو، واشنگتۆن داواكارییەکانی لهبارهی لێخۆشبوونی له شیرکەتەكانی ئهو ٣ وڵاته له ئێران ڕهت كردووهتهوه.
بە پێی هەمان سهرچاوه “ستیڤان مینۆچن، وهزیری خهزێنەداری و مایك پۆمپیۆ، وهزیری دهرهوهی ئهمریكا، به شێوەیەکی یەرێنی وڵامی نامهكهیان نهداوهتهوه، كه داواكرابوو، شیرکەتە فهڕانسە و ئاڵمانی و بهریتانییهكان، له گەمارۆكانی سهر ئێران بهدهر بكرێن”.
پێشتر دۆناڵد ترامپ، سهرۆكی ئهمریكا، كشانهوهی وڵاتهكهی لهڕێکكهوتنی ئهتۆمی لهگهڵ ئێران ڕاگهیاند و گەمارۆكانی سهر تارانی، وەگەڕ خستووەتەوە. دوای ئهو بڕیاره، ئێران تووشی قهیرانێكی گهورهی ئابووری هاتووه و نرخی دراوی ئەو وڵاتە، بهشێوهیهكی بهرچاو لهبهرامبهر دۆلار دابهزیوه.
