کارەساتی پەنابۆخۆکوژی بردن لە شار وناوچەکانی کوردستان بەردەوامەو لە تازەترین هەواڵ، کچێکی خەڵکی ناوچەی دیواندەرە لە ڕێگای خۆهەڵواسینەوە، هەوڵی خۆکوشتنی داوە.
بەپێی ڕاپۆرتی سەرچاوە خۆجێیەکانی هەواڵ، شەوی پێنجشەممە لەسەر هەێنی ، کچێکی تەمەن ٢٠ساڵ ، خەڵکی ئاوایی “مەوی” سەر بەشاری دیواندەرە بە هۆکاری ناروون ، پەنای بۆ خۆکوژی بردووە.
ئەگەرچی دوای ئاگادار بوونی بنەماڵەکەی، کچە نیوەگیانەکەیان گەیاندووە نەخوشخانەی دیواندەرە، بەڵام هەوڵی پزیشکەکان بێ ئاکام دەبێ، سەرلەبەیانیی رۆژی هەینی ٢٥ی جۆزەردان ئەو کچە ماڵاوایی لە ژیان کردووە.
جێی وەبیرهێنانەوەیە چەند ساڵێکە دیاردەی خۆکوژی بەتایبەتی لە نێوان کچان وژنان لە شاروناوچەکانی کوردستان بەهۆکاری کۆمەڵایەتی وخێزانی و ئابوورییەوە، روو لە زیادبوونەو، ئەمەش پەرۆشی ونیگەرانی چالاکانی مەدەنی و کۆمەڵناسانی لێکەوتووتەوە.
