بە ئامادەبوونی ٢٣ دەروێشی دەسبەسەرکراو، لە بەردەم لقی ١٥ی دادگای تاران ، سەرجەم بە ١١٩ ساڵ زیندان سزا دران.
ئەو ٢٣ دەروێشە گونابادییە لە رووداوی شەقامی گوڵستانی ٧ی تاران کە تێکهەڵچوون لە نێوانی ئەوان و هێزە ئەمنییەکان هاتە ئاراوە دەسبەسەر کران.
رۆژی یەکشەممە ڕێکەوتی ٦ی جۆزەردان ٢٣ دەروێشی گونابادی بە تاوانی هەوڵدان بە دژی ئاسایشی نەتەوەیی لە ڕێگا ئەندامبوون لە گرووپی دژە ئەمنیەتی و هەروەها کۆبوونەوەو پیلانگێڕی بە دژی وڵات و، تێکدانی دۆخی ئاسایشی گشتی و ملنەدان بە فەرمانی مەئموورە ئینتزامییەکان، کۆی ئەو ٢٣ی دەروێشە بە زیندان و لێدانی قامچی و دوور خستنەوە سزا دران و لەسەریەک ١١٩ ساڵ زیندانیان بۆ بڕاوەتەوە.
شووناسی دەروێشەکان و سزای بەسەر سەپێندراویان بەم جۆرەیە:
عەلیڕەزا سیاسی: دوو ساڵ زیندان، عەلی ڕەشنوو: دووساڵ زیندان، عەلی محەممەد شاهی ساڵێک زیندان، نیما عەزیزی ٧ ساڵ زیندان، ئومێد موقەدەسی ٧ساڵ زیندان،
محەممەد ئسفەندیاری ٧ساڵ زیندان، حەمید ئەمیر ئەحمەدی ٧ساڵ زیندان، موحسێن ئاشتیانی ٧ساڵ زیندان، شارام شوکری شەش مانگ زیندان، نیما ئاڵیە شەش مانگ زیندان، مێهدی ئیمانزادە یەک ساڵ زیندان، کامەران بهادوری دووساڵ زیندان، دوکتور مەحموود تەقیپوور شەش مانگ زیندان، فەرهاد نەعیمی حەوت ساڵ زیندان، ڕەزا حەیدەری ٧ساڵ زیندان، ڕەزا باوی حەوت ساڵ زیندان، غوڵامعەبباس ئاوازە حەوت ساڵ زیندان، مێهدی بەختیاری ٧ساڵ زیندان، مەجید مرادی حەوت ساڵ زیندان، موحسێن ئەبولحەسەنی حەوت ساڵ زیندان دوو ساڵ دوورخستنەوەو مانەوە لە شاری بەرازجان، منوچێهر کەوکەبی ٧ساڵ زیندان و دووساڵ دوورخستنەوەو ٧٤ جار لێدانی قامچی، هەروەها سێ دەروێشی دیکەش بەو تۆمەتانە کە باسکران، سەرجەم بە ١٦ساڵ زیندان و تەبعید مەحکووم کراون.
جێی وەبیرهێنانەوەیە کە دەروێشە گونابادییەکان رۆژی ٣٠ی ڕێبەندانی ساڵی ٩٦ی هەتاوی لە هەمبەر دەسبەسەرکردنی یەکێک لە هاوبیرەکانی خۆیان بەناوی نێعمەتوڵڵا ڕیاحی لە بەردەم ناوەندی ئینتزامی ١٠٢ی تاران لە شەقامی پاسداران، مانگرنیان گرت و خوازیاری ئازادی ناوبراو بوون، بەڵام ئەو مانگرتنە مەدەنییە لەلایەن ناوەندە ئەمنییەکانەوە تێکدراو هێرش کرایە سەر دەروێشەکان و زیاتر لە ٦٠٠ کەسیان دەسبەسەر کرد ، کە ٧٠ کەس لە دەسبەسەرکراوەکان ژن بوون.
