منداڵێکی تەمەن دوومانگی خەڵکی پسوێی پێرانشار و شوانێکی ٤٣ ساڵەی خەڵکی حسینئاوای بیجاڕ بە هۆی هەستانی لافاو، گیانیان لەدەستدا.
لە رۆژانی ڕابردوو بە هۆی بارینی باران و تەرزەیەکی کەموێنە لە زۆربەی شار و ناوچەکانی کوردستان، تەرزەو لافاو زیانی بەخەڵکی کورد، بەتایبەتی مەڕدار و وەرزێڕانی کوردستان گەیاندوەو بەداخەوە بۆ بەهۆی گیان لەدەستدانی دووکەس لە گوندی پسوێی پیرانشار و حسێنئاوای بیجاڕ.
سەر لەنوێ لەو ڕووداوە سروشتییە خەڵکی کوردستان خۆیان بە هانی لێقەوماوان ڕویشتن و فریای زیانوەبەرکەوتووان کەوتن.
زانیارییەکان باس لەوە دەکەن کە هەستانی لافاو لە پسوێی پێرانشار جیا لەوە منداڵێکی تەمەن دوومانگی لەگەل خۆی دەباو، دوایی بە هەوڵ وماندووبوونی خەڵک، تەرمەکەی دۆزراوەتەوە، زیاتر لە ٨ماڵ بەتەواوی ڕووخاون و نیزیک بە ٥٠ماڵێش زیانی زۆریان لێکەوتووە و هەروەها بەسەدان سەر مەڕوماڵاتی خەڵکی زەحمەکێشی ئەو گوندە خنکاون.
هەروەها ١٠ ماشین و تراکتۆری خەڵکی جووتیاری پسوێ سێڵاو بردوونی.
جێیئاماژەیە لە ناوچەکانی دیکەی کوردستان بارانی بەلێزمەو بارینی تەرزە خەساری بە باخداران و جووتیاران گەیاندوە.
بە پێی قسەی بەرپرسی ناوەندی قەیرانی پارێزگای سنە، دوای دوو رۆژ گەڕان بەشوێن شوانێکی خەڵکی گوندی حسێنئاوای بیجاڕ، ڕۆژی ڕابردوو ڕێکەوتی ٥ی جۆزەردان تەرمی ئەو شوانە تەمەن ٤٣ ساڵە دۆزراوەتەوە.
جێیئاماژەیە لە ڕاگەیاندەکانی کۆماری ئیسلامی وەکوو پێوەیست باس لە خەسار وزیانەکانی هەستانی لافاو لە ناوچەکانی کوردستان نەکراوەو زیاتر خەڵکی خۆڕسک بەهانای هاونیشتمانیانی زیانلێکەوتوو ڕۆیشتوون، هەتا دامودەزگا پێوەندیدارەکان.
ڕاگەیاندنی حیزبی دێموکراتی کورستان وێڕای هاوخەمیی کردن لەگەڵ کەسوکاری بنەماڵەی قوربانیانی ئەو ڕووادوە سروشتییە، بۆ برینداران و زیانوەبەرکەوتووانی ئەو رووداوەنەخوازراوە هیوای چاکبوونەوە دەخوازێ و، هەروەها بەگەرمی سپاسی سەرجەم ئەوکەسانە دەکا کە لەیەکەم چرکەی هەواڵی هەستانی لافاو، بەهانای خەڵکی لێقەوما ڕویشتوون و لەهیچ خزمەتێک دەریغییان نەکردوە.
شیاوی باسە ئەگەر خەمخۆری شوانی ئاوایی پسوێ نەبوایە ئەو گوندە زیانی گیانی وماڵیی زیاتری لێدەکەوت و هەربۆیە بەشوانی فیداکاری کوردستان ناسراوە.
