بە پێی هەواڵی ژینگەوان ڕۆژی سێ شەممە ڕێکەوتی ٤ی گوڵانی ۹۷ی هەتاوی، بە ئامادەبوونی بەشێکی بەرچاو لە خەڵکی شاری بانە و ژینگەدۆستانی ئەوشارە ، بە مەبەستی زیاتر ڕازاندنەوەی گوڵی زەردوسوور لە مەزارگەی سڵێمانبەگ، هەڵمەتێکی ژینگەپارێزی و نوەژەنکردنەوەی ئەو شوێنە گەشتیارییە بەڕێوەچوو.
ئەو چالاکییە ژینگەپاڕێزییە کە بە دەستپێشخەریی ئەنجومەنی پاژین ڕێکخرابوو ، هاوکات لەگەڵ بەڕێوەبردنی ڕێوڕەسمێک تایبەت بە ژینگە پارێزی ، بڕی ٨٠٠٠ خەڵفی گوڵی زەردو سوور کە لە لایەن شارەداری بانەوە ئامادەکرابوو چێندران.
لە بەشێکی دیکەی ئەو ڕێوڕەسمە فوواد حەسەنی ساوان وتەبێژی ئەنجومەنی پاژین چەند وتەیێکی پێشکەش بە ئامادە بووان کرد و دەست خۆشی لە جەماوەری خەڵکی بانە کرد کە هەموو کات بە دڵێکی ئاوەڵەوە بە دەنگ پاژینەوە هاتوون و ئەو خەڵکەی وەک سەرمایەیێکی گرینگ بۆ پاژین وەسف کرد.
پاشان لە لایەن منداڵانی باخچەی ساوایانی “سرزمین آرزوها” ۲ سروود بە ناوەڕۆکی ژینگەپارێزییەوە پێشکەش بە ئامادە بووان کرا و، هەروەها وەک ڕێز لێنان لە ئەنجومەنی پاژین لە لایەن بەڕێوەبەرانی باخچەی ساوایانی “سرزمین آرزوها” لەوحێکی سپاس و ڕێزلێنان لەگەڵ چەپکە گوڵێک پێشکەش بە ئەنجومەنی پاژین کرا.
لە کۆتاییدا ئەو ڕێوڕەسمە بە چاندنی گوڵی زەردو سوور لە مەزارگەی سڵێمانبەگ و دەوروبەری و هەروەها لەسەر گڵکۆی هونەرمەندانی کۆچکردوو؛ برایانی کەریمی و نووسەری بە ناوبانگی کورد برایم خان یوونسی کۆتایی کۆتایی پێهات.
