خەمساردیی شیركەتە نەوتییەكانی پارێزگای ئیلام لە بابەت وەرگرتنو دامهرزاندنی هێزی كار له خهڵکه خۆجێییەكان هەروا بەردەوامە، بە جۆرێك كە ئەم شیركەتانە له دامهزراندنی ئاشپهزێکی سادهڕا بگره تا بەڕێوەبەرێكی پسپۆڕ، لە هەوڵی ڕاكێشانی هێزەكانی دەرەوەی ئەم پارێزگایەدان.
چالاکێکی مهدهنیی ئیلام له لێدوانێکدا بۆ کوردستان و کورد دهڵێ مەسەلەی دابینكرانی كار و شوغڵ لەم سەردەمەدا یەكێك لە گرینگترین بابەتەكانی ئەمڕۆی خهڵکی ئیلامه، بە داخەوە هەر ڕۆژەو بارودۆخەكە بە لایەكدا دەڕوا و بێكاری ههر دهم زیاد دهکا و ئەم كەمە شوغڵەش كە هەیە خەریكە لەنێو دەچێ.
ئهو دهڵی كەمتەرخەمیی شیركەتە نەوتییەكانی پارێزگای ئیلام له دامەزراندنی خهڵکی خۆجیی ناوچهکه لە حاڵێكدایە كە سەدی ٣٠ حەشیمەتی ٥٥٠ هەزار كەسیی ئەم پارێزگایە بێكارن که نزیكەی ١٥ هەزار کهسیان پسپۆڕ و دەرچووی زانكۆكانن.
چالاكانی مەدەنیی دیکهی ئیلام دەڵێن لەو پارێزگایەكدا كە خاوەنی سەدی ٤ی پاشەكەوتەكانی نەوت و سەدی ١١ی پاشەكەوتەكانی گازی ئێرانەو لە ئێستاشدا پرۆژە گەورە و گرینگە نەوتییەكان لەم پارێزگایە دەست بەكار بوون، زۆر سەیرە كە دەبینین پشكی خەڵكی ئەم پارێزگایە لە كارو شوغڵ و كەلكوەرگرتن لە بەشە جۆربەجۆرەكانی دیكە لەوانەیە سەدی یەكیش نەبێ.
بەپێی ئەم ڕاپۆرتە لە ڕابردوودا پرۆژەكانی بەنداولێدانی پارێزگای ئیلام بە بەردەوامی سەرەكیترین شوێنی كاری هێزە ناخۆجێییەكان بووەو ئێستاش شیركەتە نەوتییەكان لە ڕاكێشانی هێزی كار لە دەرەوی پارێزگا دەستیان لە بەشەكانی دیكە ئەستاندووەو كار گەیشتۆتە جێگایەك كە تەنانەت ئاشپهزیش لە دەرەویئهو پارێزگاڕا دێنن.
شایانی باسه پڕۆژە جۆربەجۆرەكانی نەوت و گاز وەك مەیدانەكانی نەوتی “چشمە خۆش”ی دێهلۆران، پێترۆشیمیی ئیلام، پاڵاوگەی گاز، مەیدانە نەوتییەكانی ئازەر و “چنگولە” و تەنگەی بیجار لە پارێزگای ئیلام چالاكن كە دەتوانن دەورێكی گرینگ لە دابین
كردنی كار بۆ هاووڵاتییانی ئەم پارێزگایە بگێڕن، بەڵام لەگشت ئەم پرۆژانەدا پشكی بێكاری خەڵكی خۆجێیی لە هێزەكانی دەرەوەی پارێزگا زۆر زیاترە.
