ئاگركەوتنەوە لە لێرەوارو لەوەڕگەكانی ڕۆژهەڵاتی كوردستان هەروا بەردەوامە‌و لە ماوەی ئەم حەوتوویەدا ١٠٠ هێكتار لە لێرەوارو لەوەڕگەكانی كوردستان بوونە قوربانیی سوتمان‌و ئاگر.
بەپێی ڕاپۆتیئ بەڕێوەبەری گشتیی سامانە سروشتیی ئیلام لە ئاگركەوتنەوەكانی ئەم پارێزگایە نزیك بە ١٢٠ هێكتار لە دارستانەكان سووتان كە لە ٤٠ هێكتاریاندا لە نێوان سەدی ١٠ تا ١٥ی دارە سووتاوه‌کان ته‌ڕ بوون‌و ئەوانی دیكەش وشك بوون.
مراد شێخ وەیسی، بەڕێوەبەری گشتیی شامانە سورۆشتییەكانی پارێزگای كرماشانیش ڕایگەیاندوه كە لە ماوەی یەك مانگی ڕابردوودا لەم پارێزگایەش زیاتر لە ٣١ بابەت ئاگر لە دارستان‌و لەوەڕگەكان بەربووەو به‌وه‌ش زیانێکی زۆر به ژینگه‌ی کرماشان که‌وتوه.
بەڕێوەبەری جیهادی كەشاوەرزیی شاری مێهران له ئیلامیش ڕایگه‌یاند که ٧٠ هێكتار لە مەزراكانی گەنم كە زیاتر كاو كڵۆش بووە بە هۆكاری ناڕوون ئاگریان تێبەربووە.
حوجەت عارف دەڵێ ڕۆژی چوارشەممە بە هۆی ئاگركەوتنەوەیەك لە مەزراكانی ناوچەی بەهین بێهروزانی مێهران زیاتر لە ٧٠ هێكتار لەم ناوچەیە سووتاوه
